Kolo de komxebata 25ê Teşrîna Peyêne 2026-11-16 13:11:01   WAN - Komxebata taxa Kolo ya Qelqeliyî ya çarçewaya çalakiyê 25ê Teşrîna Peyêne de ame organîzekerdiş de, cinîyan problem, waştiş û ezmûnê têkoşînê xo pare kerdî.   Taxa Kolo ya qezaya Qelqelî ya Wanî de çarçewaya 25ê Teşrîna Peyêne Roja Têkoşînê vera Şîdetî yê Cinîyanê Mîyanneteweyî de, komxebatêk semedê cinîyan ame organîzekerdiş. Komxebate Merkezê Cimatî yê hetê Îdarekarîya Polîtîkayê Cinîyan ê Şaredarîya Qelqelî ra ame organîzekerdiş. Hemsereka şubeyê qezaya Partîya Têduştî û Demokrasî yê Şaran (DEM Partiyê) Mevlude Hazir, Hemşaredare Sakîne Kutpinar, karmendê Îdarekarîya Polîtîkayê Cinîyan û xeylêk cinî beşdar bî.   Komxebate de, cinîyan problem, waştiş û ezmûnê têkoşînê xo pare kerdî, eynî demî de muhîmîyê têkoşînê hempar ê hemverê şîdetê cinîyan ser o, kiştişê cinîyan û zîhniyetê serdestî yê camêrdan ame munaqeşekerdiş.