Keştîya multecîyan qelibya: 2 tutî vîndî yê

2026-11-11 11:07:08


	 

	EDÎRNE - Keştîyêk ke 13 multecîyê kurdî berdêne Yewnanistan, Çemê Merîçî yê Edîrneyî de qelibya. 2 tutî vîndî yê.

	 

	Raywanîya multecîyan Ewropayî ser o dewam kena. Keştiyêk ke 13 multecîyê Şengal û Duhokî ci de bî, hewl dayî ke derbasê Yewnanistanî bibê. 3yê teşrîna peyêne de, keştiya multecîyan bi sebebêk ke hema nîno zanayîş Çemê Merîçî de qelibya. 11 kesê keştîye de ameyî xelaskerdiş, la xebatê cigêrayîşî û xelaskerdişê seba 2 tutê vîndîbîyaye, dewam kenê.