Meclîsê ÎBBî yê DEM Partî eşkerayî da 

2026-11-10 15:35:40


	 

	STENBOL - Endamê Meclîsê ÎBBî yê DEM Partî Gulşen Kal Uzunyayla dîyar kerd ke ê şîyî partîya xo û ewro ra pey do xebatê xo bi namê partîya xo dewam bikerê, wina vat: “Ma ewro ra pey do bibê vengê cinîyan, ciwanan û pêroyê beşanê komelî.”

	 

	Endamê Meclîsê Şaredarîya Stenbolî ya Şaristanê Girdî (ÎBB) yê DEM Partî, derheqê awankerdişê Koma DEM Partî de eşkerayî dayî. Eşkerayî Beyoglu de, awanîya DEM Partî de ame kerdene. 16 kesî Meclîsê ÎBBî yê DEM Partî ra beşdarê eşkerayî bî.

	 

	‘Koma DEM Partî do seba ziwanê kurdkî xebatê xo hîratir bikero’

	 

	Verî Hemsereka DEM Partî yê Stenbolî Arîfe Çinare qisey kerd. Arîfe Çinare dîyar kerd ke ewro yew kombîyayîşêko muhîm ame viraştene û wina vat: “Weçînayîşê 31ê adare de stratejîyêk est bî ke heqê şaran pawit. No stratejî muhîm bî. Namzedê CHPî ameyî weçînayene. Pêkerdişê Bajarî vejîya meydan. Nê ser zaf kesî ameyî weçînayene. Endamê ke ameyî weçînayene, êdî bi namê DEM Partî dest bi xebatanê xo kenê. Xebatê pawitişê bajaran û demokrasîye do dewam bikerê. Heta nika tepşêko pawitişê demokrasîye est bî, ewro ra pey zî do ê rewş dewam bikero. Êdî ma pêro de yê. Ê serran ra ke ver, ma tim vera bêhiqûqîye de vindert. Weçînayîşê ÎBBî de zî tepşê ma do wina bimano. Koma DEM Partî, ewro ra pey, seba ziwanê kurdkî xebatê xo berfirehtir bikero.”

	 

	‘Ma do xebatê xo bi namê partîya xo dewam bikerê’

	 

	Pey ra, namê komî ra endamê Meclîsê ÎBBî Gulşen Kal Uzunyayla dîyar kerd ke weçînayîşê 2024î de lîsteyanê CHPî ra ameyî weçînayene û wina qisey kerd: “Ma şîyî partîya xo, ewro ra pey do xebatê xo bi namê partîya xo dewam bikerê. Ma ewro ra pey do bibê vengê cinîyan, ciwanan û pêroyê beşanê komelî.”