Gerreyê kesê ke berardeyê kîmyeyî rijnayî ame kerdiş

2026-05-12 14:38:37


	 

	 

	AMED - Komîsyonê Derûdor û Bajarwanîye yê Baroyê Amedî, derheqê berardişanê kîmyewî yê ke Baxçeyanê Hewselî de ameyî eştiş, muracatê Dozgerîye kerd û waşt ke kesê ke nê kerdî bêrê tespîtkerdiş û cezakerdiş.

	 

	Komîsyonê Derûdorî û Bajarî yê Baroyê Amedî, derheqê agahîyanê ke wesayîtêk fermî yê aîdê Zanîngehe Dîcleye berardişanê kîmyewî Baxçeyanê Hewselî de rijnayî, muracatê Serdozgerîya Komare ya Amedî kerd. Baroyî waşt ke kesê ke nê kerdî bêrê tespîtkerdiş û cezakerdiş.

	 

	Muracat de dîyar bî ke bi wesayîtanê zanîngehe pey Fakulteya Perwerdeyî ya Zanîngehe Dîcleyî de berardişê tibî û kîmyewî yê ke tesîrê weşîye yê merdiman ser o kenê ameyî rijnayîş. Muracat de dîyar bî ke nê berardişî cayêk nêzdîyê kîlometreyêk dûrê Baxçeyanê Hewselî ke Lîsteya Mîrasê Kulturî ya Dinya ya UNESCOyî de yê de ameyî rijnayîş û no mojneno ke mesele çiqas cidî ya.

	 

	Muracat de îşaret ame maddeyê 56ine yê Desturê Bingehênî ke bale dano serê averberdişê derûdorî, pawitişê weşîyeyê derûdorî û vernîgirewtişê lêşinkerdişê derûdorî û waşt ke kesê ke nê kerdî bêrê tespîtkerdiş û cezakerdiş.