Tedawîya Werîşe Muradî yena astengkerdiş 

2025-05-08 14:55:53


	 

	 

	MERKEZÊ XEBERAN - Werîşe Mûradî yê Zîndanê Evîne manena, her ke şino rewşa aye ya weşîye xirabêr beno û îdareyê zîndanî nêverdeno ke tedawî bibo.

	 

	Werîşe Mûradî ke cezaya dardekerdişî ci rê ameya birnayîş û Zîndanê Evîne de manena, pêwa fitiqê paştî û milê zî nîna tedawîkerdiş.

	 

	Goreyê Rêxistina Heqê Merdiman Hengaw, pêwa ke doktoran vernîya 5 aşman vatî, ganî emelîyat bibo zî selahîyetdarê zîndanê Evîne Werîşe Mûradî nêbenê nêweşxane. Werîşe Mûradî verê zî semedê grevê vêşanîye yê 20 rojan, mîde ra nêweş kewtibî, selahîyetdarê zîndanî berdişê aye yê nêweşxaneyî red kerdibî la bi zextê rêxistinê heqê merdiman sewqê nêweşxaneyî amebî kerdiş.