
Sûr de raywanîya vîrê komelî 

2025-05-05 14:23:30


	&nbsp;

	&nbsp;

	AMED - Şaredarîya Amedî ya Şaristanê Girdî û Kolektîfê Vîrê Amedî, seba programê Projeya Raywanîya Vîrê Komelkî û Mekankî ya Sûrî aktîvîteyêk organîze kerd.

	&nbsp;

	Serekîya Daîreya Karanê Kultur û Sosyalan, Kolektîfê Vîrê Amedî reyde pîya çarçewa Projeya Raywanîya Vîrê Komelkî û Mekankî ya Sûrî de yew aktîvîte organîze kerd. Aktîvîte ke Muzeya Bajarî ya Koşkê Cemîlpaşayî de ame organîzekerdiş, ciwanê ke 18-35 serrî beşdar bîyî.

	&nbsp;

	Amanc vîr bêro ganîkerdiş

	&nbsp;

	Mîyanê proje de ke gedeyî zî do prosesanê peyênan de îlawe bibê, hedef o yo ke vîrê mîrasê tarîxî û kulturî yê bajarî reyna bêro ganîkerdiş.

	&nbsp;

	Proje reyde erjê kulturî ke reyayê bajarî virazenê, nêzdî ra bêrê şinasnayîş û seba ke vernîya xerîbbîyayîşê erjanê kulturî bigîro, ameye amanckerdene.

	&nbsp;

	Do bikewê raywanîya vîrî

	&nbsp;

	Proje reyde ciwanî û gedeyî ke teorîk û pratîk tecrûbeyanê xo temam kenê, do Sûr de 20 cayê vîrî ke do bêrê dîyarkerdene, dekewê mîyanê raywanîya vîrê estbîyayîşê komelkî, mekankî, tarîxî û kulturî bê. Kesê ke xebatanê xo temam kenê, do nê programî ra mezûn bibê.

	&nbsp;

	‘Ke ziwan yeno xovîrakerdene, vîrê tarîxî zî kêmî beno û vindî beno’

	&nbsp;

	Zeynep Yaş ke Sereka Daîreya Karanê Kultur û Sosyalan a, beşdarê aktîvîte bîye û dîyar kerd ke dîyayîşê ciwanan ê aktîvîteyanê nê tewiran de hêvî dano aye û keyfweş keno. Yaş wina qisey kerd: “Ez bi raştî sereberz bîya. Ewro zî ciwanî bajar de wayîrîye kenê tarîx û vîrê xo rê. Seba vîrêko hîna rindek xebitîyenê, ez tewr zîyade seba ney keyfeş bîya.”

	&nbsp;

	Dima ke Yaş bi kurdkî qiseykerdişê xo dewam kerd û va: “Seke tarîxê ma ehemîyet dano, ganî ma nê tarîx û ziwanê xo yê dayîke zî bizanê û bişinasê. Çunke vîrê tewr gird ê cuye ziwan o. Ke ziwan yeno xovîrakerdene, vîrê tarîxî zî kêmî beno û vindî beno.”

	&nbsp;

	&nbsp;

	

	&nbsp;

	&nbsp;

	&nbsp;

	&nbsp;

	&nbsp;