
Amed de pîrozbayîyê 1ê Gulane 

2025-05-01 14:47:47


	&nbsp;

	AMED - Bi hezaran karker û kedkarî Amed de bi sloganê “Azadîya kede û komelê demokratîkî” tewrê pîrozbayîya 1ê Gulane bîyî.&nbsp;

	&nbsp;

	Bi se hezaran karker û kedkarî ewro bi wesîleya 1ê Gulane meydanan de yê. Yew bajarê 1ê Gulane ci de pîrozkirin jî Amed e. Bi serkêşîya KESK, DÎSK, TMMOB û Odaya Doktoran ê Amedî û bi sloganê “Semedê azadîya kede û komelê demokratîkî ma 1ê Gulane de meydanan de yê” mitîng yeno organîzekerdiş.&nbsp;

	&nbsp;

	Bi hezaran karkerî, vernîya Ofîsa Mehsûlê Erdî (TMO) de ameyî. Hemserekê Pêroyî yê DEM Partîye Tuncer Bakirhan û Serekê Pêroyî yê KESK’î Ahmet Karagoz zî nê kortejî de ca girewtî.&nbsp;

	&nbsp;

	Karkeran, pankartê “Ma rayîr nêdanê kedwerî. Têkoşîn do dewam bikero. Biciwîyo 1ê Gulane”, “Yê kar ra yenê vetiş ma yê, yê xo ver danê ma yê, yê ser kewenê zî do ma bê”, “Semedê azadîya kede û komelê demokratîkî ma do bêveng nêbê”, “Bi têkoşînê xo yê rêxistinkerde ma do komelê demokratîkî awan bikerê”, “Ma do nêbê xulamê îqtîdar û sermayeyî” û “Adirê xoverdayîşî yê bi kede gur beno ver bi azadîye şino” ameyî wedaritiş.&nbsp;

	&nbsp;

	DFG, MKG û DÎSK Basin-Îş’î zî bi pankartê “Çapemenîya Azad, komelê demokratîkî” kortejî de cayê xo girewt. Girse xeylêk reyan sloganê “Biciwîyo Yewê Gulane” berz kerd.

	&nbsp;