Bazid de şaredarîya komelî 

2025-04-23 09:09:03


	 

	Neslîhan Kardaş

	 

	AGIRÎ - Şaredarîya Bazidî mîyanê serrêke de projeyê Merkezê Paştdayîşê Cinîyan, Kîtap Duragi, Jin Kafe û semedê tutan 14 taxan de 14 projeyê parkî pê ardî.

	 

	Şaredarîya Bazidî ya Agirî ya Partîya Têduştî û Demokrasî (DEM Partî) weçînayîşê herêmî yê 2024ine de se ra 57.99 rayî girewt û amî weçînayîş. Hemşaredara Bazidî Aygul Aşan derheqê xebatanê şaredarî de ajansê ma rê qisey kerd.

	 

	Aygul Aşan dîyar kerd ke wexto ke newe ameyê weçînayîş şaredarî bi deynêk pîl girewtê û Aygul Aşan wina va: “Na rewşe ma kerd zehmetî. Ma mecbûr mendî ke se ra 50-60 butçeyê xo bidê xebatkaran. Çi heyf ma butçeyê ke dayîne personelan nêeşkayîne çîyêk bînî rê xerc bikerdêne. Hetê cinî de bendewarîyê pîlî estbî. Hedefê ma o bî ke semedê cinîyan wareyê ekonomî, komelî û psîkolojîk bêrê awankerdiş.”

	 

	‘Ma Merkezê Şêwirmendîyê Cinîyan akerd’

	 

	Aygul Aşan wina dewam kerd: “Binê banê şaredaredarî de di salonê sporî yê cinîyan estbî. Pereyê nê salonan zaf zêde bî. Ma va wa pêro cinî xo biresnê û ma newa ra vayî dîyar kerd. Heta destê ma ra ame ma fîna sewîyeya tewr war. Ma Merkezê Şêwirmendîyê Cinîyan akerd. Ma nê merkezî de semedê tutan wareyê kayî akerd.”

	 

	‘14 taxan de 14 parkî’

	 

	Aygul Aşan tewr peyîn wina va: “Tutan ma ra park waştêne. Ma projeyê 14 taxan de 14 parkî da destpêkerdiş. Demêk kilm de ma do ca bîyarê. Sewbîna ma projeyê ‘Kîtap duragi’ bica ard. Her wendekar eşkeno semedê dersanê xo bêpere fotokopîyan bigîro. Pêwa Kîtap Duragi ma ‘Jinkafe’ akerd. Cinî do uca de bi pereyêk kêmî wextê xo derbaz bikerê. Mîyanê hedefanê ma de Merkezê Kulturî zî est o. Bazîd de merkezê ma yê kulturî çin o. Hedefê ma o yo ke ma bica bîyarê.”