Nêrgiz Mihemedî semedê Werîşe Muradî veng da

2025-04-08 12:46:29


	 

	         

	 

	MERKEZÊ XEBERAN- Çalakîkera heqê merdiman û tepişteya sîyasî Nêrgiz Mihemedî semedê Werîşe Muradî veng da û va: “Hêvîya mi est a ke rojêke ma do cezaya înfazî bi temamî wedarnê. A roje do dîyarkar bo û bibo wesîleya serkewtişê neweyan.”

	 

	Nêrgiz Mihemedya ke wayîrê xelata Nobelî ya vera cezaya dardekerdişî ya ke dîyaya Werîşe Mûradî reaksîyon mojna û na ceza şermezar kerd. Nêrgiz Mihemed dîyar kerd ke cezaya îdamî bi taybetî sîstemê hukmo ke xoserîya xo vîndî kerda, uca de binpaykerdişê heqo bingeyîn ê însanan o.

	 

	Nêrgiz Mihemedî waşt ke cezaya dardekerdişî bêra hewanayene û wina vat: “Rejîmanê zordaran de seba ke sîstemê edaletî îqtîdaro otorîter ver de sere roneno, vera cezaya dardekerdişî wariştiş ganî meseleyê her kesî bo.”

	 

	Nêrgiz Mihemedî bale ant muhîmîya têkoşînê vera cezaya dardekerdişî ser o ke parçeyêkê xoverdayîşî vera rejîmo otorîter ê Îranî yo. Nêrgiz Mihemedî wina dewam kerd: “Rejîm înfazî sey amûrê zordarîye şuxilneno. Muxalefeto komelkî ganî tena bedilîyayîşê sîyasî xo rê nêkero amanc. Eynî wextî de ganî hewanayîşê cezaya dardekerdişî zî bikero amancê xo. Seba ke nê têkoşînî bidomnê, ma mecbûrê ke makîneya înfazî yewbînî ra vila bikerê, girewtiş û bicaardişê qeraranê dardekerdişan asteng bikerê. Ez bi hêvî ya ke rojêk ma do cezaya înfazî bi temamî hewanê. A roje do dîyarker ba û biba wesîleya serkewtişanê neweyan.”