
Şengalijî semedê veradayîşê tutanê xo rayîr ra şî

2025-03-25 15:05:33


	&nbsp;

	&nbsp;

	MERKEZÊ XEBERAN - Şengalijan hemverê hêriş û destbendkerdişê 5 şervanê YBŞ’yî yê birîndarî, rayîrşîyayîşêk girseyî organîze kerdî û waştî ke demêk nêzdî de bêrê veradayîş.

	&nbsp;

	Bi serkêşîya Têgêrayîşê Azadîya Cinîyê Êzidî (TAJÊ) û Îdarekarîya Xoserîya Demokratîke ya Şengalî, Şengal de rayîrşîyayîşêk girseyî organîze kerd.

	&nbsp;

	Rayîrşîyayîş, verê Şaredarîya Şarî ya Sinûnê heta meydanê Mam Zekî bi sloganê, “Bijî Berxwedana Şengalê, Bimre îxanet û bijî edalet” dewam kerd û bi eşkerayîyêke peynî bî.

	&nbsp;

	Beşdarê rayîrşîyayîşî dayî zanayîş ke Iraq bi nê hêriş û nêzdîbîyayîşê xo asayîş û aramîya Şengalî keno tehluke û da zanayîş ke ganî lezkî şervanê înan bêrê veradayîş.

	&nbsp;

	&nbsp;