Semedê aştîye qîrenê: Ma do aştîye bivînê

2025-02-05 11:04:56


	 

	  

	 

	Oznûr Deger

	 

	MÊRDÎN - Dayîka Aştîye Nurê Tarlak hemverê hêrişê Tirkîya û çeteyê girêdayeyê aye yê hemverê Rojawanî de venga ‘aştîye’ kerd û vat: “Rojawan de semedo ke merdim wayîrê herra xo, ceyran û awa xo vejîyê, vejênê şinê Awbendê Tişrînî. Şima çi nê merdiman ra wazenê? Şima gonîya kurdan ra mirdî nêbî? Ganî her kes bibo vengê Rojawanî. Ma do aştîye bîyarê dinya.”

	 

	Hêrişê Tirkîya û çeteyê girêdayeyê ci yê hemverê Vakur û Rojhelafê Sûrîye dewam kenê û sivîlî yenê qetilkerdiş. Tirkîya şerê Kurdistanî giran kena û tesîrêk pîl serê komelî de beno. Dayîkê Aştîye ke bi serran o hemverê şerî de aştîye pawenê, dîyar kenê ke ganî lezkî peynîya hêrişan bîyarê û semedê aştîye têkoşîn dewam keno.

	 

	Endama meclîsê dayîke aştîye ya Mêrdînî Nurê Tarlak yew dayîka ke aştî qîrena ya. Nurê Tarlak sînorê Nisêbîn-Qamişlo ra reyke bîn vat, aştî û hêrişê hemverê Rojawanî şermezar kerd.

	 

	‘Şima gonîya kurdan ra mirdî nêbî?’

	 

	Nurê Tarlak dîyar kerd ke hemverê hêrişê Rojawanê sînorê Nisêbîn-Qamişlo de mîyanê çalakî de yê û wina vat: “Ne tutî verdayê, ne cinî û ne zî kal û pîrî. Rojawan de merdimî semedê pawitişê awe, ceyran û herra xo şî Tişrîn. Çi nê merdiman ra wazenê? Çira hêriş kenê? Qey şima gonîya kurdan ra mird nêbî?”

	 

	‘Ganî her kes bibo vengê Rojawanî’

	 

	Nurê Tarlak bale ant serê hêrişê bi tanq û topan yê hemverê Rojawanî û wina vat: “Şima çi wazenê? Şima cinî, ciwanî, tutan qetil kerd. Êdî bes o Her ke ma vanê aştî şima şer vejenê. Ma aştî wazenê. Şima xoza û ekolojîya ma çin kerd. Şima ma qetil kerd. Ganî her kes bibo vengê Rojawanî û na gonî bêro vindarnayîş.”

	 

	‘Ma do aştîye bîyarê dinya’

	 

	Nurê Tarlak bêvengîya dinya zî rexne kerd û vat: “Her kes hemverê nê de bêveng o. Ganî kurdî hemverê hêrişan de bibê yew. Ganî ma yewîya xo awan bikerê û hemverê hêrişan de têkoşîn bikerê. Ma wayîrê keda xo vejîyê. Ma aştîye wazenş. Welat de nika aştî çin a. La lazimî bi aştîye est a. Her ke ma vanê aştî, ê vanê şer. Ma do aştîye bi xoverdayîşê şima awan bikerê. Ma do aştî bîyarê dinya.”