Meclîsê Cinîyan ê DEM Partî: Sofya Alagaş îradeyê cinîyan a 

2025-01-29 14:12:18


	 

	 

	ANQARA- Meclîsê Cinîyan ê DEM Partîye reaksîyon vera tayînkerdişê qeyûmî yê Şaredarîya Sêrtî mojna û vat, “Sofya Alagaş îradeyê şarê Sêrtî û cinîyanê Sêrtî ya. Şima do hemverê nê îradeyî de vînî bikerê.” 

	 

	Hemşaredara Sêrtî Sofya Alagaş ke wextê rojnamegere bîye û bi îdiayê "endamîya rêxistine" dewa aye rê amebî akerdiş, netîceya na dewa de hetê 5ine Dadgeha Cezaya Giran ya Amedî ra 6 serrî û 3 aşmî cezaya zîndanî ci rê ameye birnayîş û qeyûm vera ci tayîn kerd.

	 

	Meclîsê Cinîyan yê Partîya Têduştî û Demokrasî (DEM Partî) hesabê xo yê medyaya dijîtale ser o de eşkerayîyêke da û vat: “Rejîmê desteserkerdiş û talanê Sêrtî de reyke bîn xo mojna. Tayînkerdişê qeyûmî, tayînê şaredarîya ma ya bi lezabez badê cezaya zîndanî ke Hemşaredara ma Sofya Alagaş rê ameye birnayîş, dewamê hêrişê hemverê îradeyê şarî û îradeyê cinî yo. Nê qerarî dir prensîbê ma yê hemserekîya û temsîliyetê têduştî reyke bîn hedef ameye girewtiş. Ne qeyûmê şima û ne zî rejîmê şima yê kolonyalîst û talanî do nêeşkê nê herran de biciwîyê. Cinî do fek pawitişê îradeyê xo ra vera nêdê. Sofya Alagaş îradeyê şarî Sêrtî û cinîyanê Sêrtî ya. Şima do hemverê nê îradeyî de vînî bikerê.”