
Rojnamegere Cîhane û Nazim ameyî yadkerdiş

2025-01-28 12:17:38


	&nbsp;

	&nbsp;&nbsp;

	&nbsp;

	MERKEZÊ XEBERAN - Rojnemegere Cîhan Bilgîn û Nazim Daştan, bi merasimêk ameyî yadkerdiş û sozê taqîbkerdişê rayîrê heqîqetî cangoriyan dir reyke bîn ame dayîş.

	&nbsp;

	Rojnemegere Cîhan Bîlgîn û rojnameger Nazim Daştan ke 19ê kanûna 2024ine de rayîrê Awbendê Tişrînî-bajarê Sirînî de hêrişê hewayê dewleta tirkan yê hemverê wesayîtê înan de dinyaya xo bedelnayî. Ewro zî 40 rojîya xo de ameyî yadkerdiş.&nbsp;

	&nbsp;

	Merasîmê yadkerdişî de Meclîsê Keyeyê Şehîdan û Endamê Yewîya Çapemenîya Azade hadre bîyî.&nbsp;

	&nbsp;

	Badê deqeyêk rêzgirewtişî de serê nameyê Yewîya Çapemenîya Azade rojnameger Ehmed Hîmo vat ke hemrayê ma Şehîd Cîhan Bîlgîn û Nazim Daştan semedê kerdişanê dewleta tirkan eşkera bikerê, înan &nbsp;Vakurê Kurdistanî ra verê xo dayî Rojawan û wina vatî: “Destpêkê Şorişê Rojawanî de xeylêk şehîd û têkoşeran semedê mîrasê nê şorişî canê xo feda kerdî. Seba şoriş hîna hîra bibo, dezgehî ameyî akerdiş û nê dezgehan ra yew zî çapemenîya azad bî. Dewleta tirkan zî semedê vengê rastîye bibirno, her dem rojnemegeran kena hedef. La her çiqas nê çî bikero zî wa baş bizano ke bi hezaran rojnamegerî est ê ke na raştî rayaumûmî rê neql bikerê. Ma soz danê ke ma do kamera û qelema rojnemegeranê xo erd de nêverdê û rastî do her dem bêro neqlkerdiş.”&nbsp;

	&nbsp;

	Badê eşkerayîye serê nameyê Meclîsê Keyeyê Şehîdan Hêvî Seyid qisey kerd û vat: “Mîyanê temamê qanûnê heqê merdiman de qetilkerdişê rojnamegeran sûcêk hemverê merdimayîye yo. Semedo ke rojnamegerî cayêk tewr sereyîn komelî de ca gênê. La dewleta tirkan ê îşxalkere her çî semedê xo meşrû vînena û rojane sivîl û rojnemageran hedef gêna. Labelê do heval û hemrayê şehîdê çapemenîye raştîya ke şehîdê ma waştî eşkera bikerê neql bikerê û ê do bibê taqîbkerdoxê nê rayîrî.”&nbsp;

	&nbsp;

	Merasîmê yadkerdişî bi sloganê, “şehîdî nêmirenê” peynî bî.&nbsp;

	&nbsp;

	&nbsp;