
Hêrişî Til Koçerî ameyî şermezarkerdiş

2025-01-21 15:23:24


	&nbsp;

	
				&nbsp;
		
	
	&nbsp;

	&nbsp;&nbsp;&nbsp;

	MERKEZÊ XEBERAN - Roniştoxê bajarê Til Koçerî hêrişê serê nobedarê awbendê Tişrînî şermezar kerdî û paştdayîşê xo semedê hêzê xo yê leşkerî mojnayî.

	&nbsp;

	Bi amancê şermezarkerdişê hêrişê dewleta tirkan û koma aye yê paramîlîter SMO’yî yê serê nobedarê ke awbendê Tişrînî û paştdayîşê Hêzê Sûrîyeya Demokratîke (QSD) bi seyan roniştoxê bajarê Til Koçerî yê kantonê Cizîrî bi rayîrşîyayîşêl girseyî vejîyayî meydanan. Rayîrşîyayîş verê Parkê Abdullah Ocalanî yê bajarî de dest pêkerd û ver bi kuçeyê bajarî dewam kerd. Roniştoxî fotogragê kesê ke awbendê Tişrînî de ameyî qetilkerdiş û beyraqê QSD’yî wedarnayî û pankartê bi nuşteyê “Ma pêro QSDyîjê" û "Biciwîyo Hêzê Sûrîyeya Demokratîke” akerdî.&nbsp;

	&nbsp;

	Rayîrşîyayîş merkezê bajarî de açarya mîtîngê girseyî. Badê deqeyêk rêzgirewtişê endama Kongra Star Lorîn Omer qisey kerd û vat: “Ma kerdişê hovane yê dewleta tirkan yê hemverê binesazgehî û roniştoxê awbendê Tişrînî şermezar kenê.” Lorîn Omer veng da hêzê mîyanneteweyî ke teda dewleta tirkan rê bikerê ke hêrişê xo yê Vakur û Rojhilatê Sûrîye ser o vindarno.

	&nbsp;

	Rayîrşîyayîş bi sloganan paştdayîşê QSD’yî û bi sloganê “Şehîdî nêmirenê” peynî bî.

	&nbsp;