Saetê zîyaretê Demîrtaş û Yuksekdage dîyar bî 2025-01-10 14:59:29     ANQARA - Saetê zîyaretê Heyetê Îmrali seba pêvînayîşê Selahattîn Demîrtaş û Fîgen Yuksekdag dîyar bîyî.   Heyetê Îmrali yê Dem Partî do peyê hewteyî bi Hemserekanê verînan Fîgen Yuksekdag û Selahattîn Demîrtaşî reyde pêvînayîşêk bikerê. Saetê zîyaretan dîyar bîyî.   Heyetê Îmrali yê Dem Partî do 11ê Çeleyî de Hepisxaneyê Edîrneyî de Selahattîn Demîrtaşî reyde û 12ê Çeleyî de zî hepisxaneyê Kandira yê Kocaelîyî de Fîgen Yuksekdag reyde pêvînayîşêk bikerê.   Îzahatî de ame dîyarkerdene ke do pêvînayîşan ra pey beyanatê nêrê dayene û wina vat. “Heyetê Îmraliyî yê DEM Partîye do 11ê Çeleyî roja şemeyî saete 13.00ine de Edîrne de Demîrtaşî dir û 12ê Çeleyî roja yewşeme saete 13.00ine de zî Kandirayî Fîgen Yuksekdage dir pêvînayîş bikerê.”    Eşkerayîye de ame vatiş ke do pêvînayîşan dima eşkerayî nêro dayîş û ame vatiş: “Yeno plankerdene ke pêvînayîşan ra dima nê, wextê vernîya ma de do beyanatêko hîna hîra bidê.”