DEM Partî derheqê destbendkerdişan de eşkerayîye da

2025-01-10 11:08:04


	 

	 

	MERKEZÊ XEBERAN - DEM Partî destbendkerdişê hemşaredaranê xo yê Akdenîzî û dormegirewtişê awanîya şaredarîye ser o reaksîyon mojna û va: “Dişmenîya Îqtîdarî vera kurdan dewam kena. Ma do nê polîtîkayanê şima bin fînê.”

	 

	Hemşaredarê Qezaya Akdenîzî ya Mêrsînî Hoşyar Sariyildiz û Nurîye Aslan û endamê Meclîsî no serê sibayî keyeyanê xo de ameyî destbendkeriş. Ame zanayene ke polîsan dormeyê awanîya şaredarîye zî girewtbî. Sebebê tepiştişê hemşaredaran nêame zanayene.

	 

	DEM Partî derheqê destbendkerdişê hemşaredaranê xo û şaredarîya xo de hesabê xo yê medya dîjîtalî ser o eşkerayîyêke da û va: “No serê sibayî Hemşaredarê Akdenîzî ameyî destbendkerdene, hemşaredarê ma Hoşyar Sariyildiz, Nurîye Aslan û endamê meclîsî ameyî destbendkerdiş. Îqtîdar her ca de dişmenîya xo ya vera kurdan dewam kene. Ma baş zanê ke no pratîk pêro pratîkê îqtîdarî yê darbekarî yê hemverê îradeyê şarî yo. Îqtîdaro ke zere û teber de dişminîyê kurdan keno, tehemûlê îradeyê înan nêkeno. La se bikero zî mehkûmê vînîkerdişî yo. Ma do her cayî de hemverê nê fehmê qeyûmperestî vinderê û îradeyê şarê xo bipawê.”