Nameyê kesê ke hêrişê SÎHAyî de ameyî qetilkerdiş dîyar bî  

2025-01-09 15:01:17


	 

	 

	MERKEZÊ XEBERAN - Nameyê welatijê sivîlî yê ke vizêr hêrişê dewleta tirkan ê bi SÎHAyî hemverê Awbendê Tişrînî de dinyaya xo bedelnayî ame eşkerakerdiş. 

	 

	Hêrişê dewleta tirkan û komê ci yê paramîlîter SMOyî yê hemverê Îdareyê Xoser Vakur û Rojhelatê Sûrîye dewam de yê. Serê vengdayîşê Îdareyê Xoserî bi hezaran kesê ke kantonê Tebqa, Reqa, Cizîr û Kobanê de vizêr şan de verê xo dayî Awbendê Tişrînî. Nêzdîyê Awbendê Tişrînî dewleta tirkan bi SÎHAyî hêrişê welatijan kerdî. Hêriş de 5 welatijê sivîl ameyî qetilkerdiş. 

	 

	Nameyê kesê ke hêeiş de ameyî qetilkerdiş, ameyî eşkerakerdiş. Nameyê welatijê ke ameyî qetilkerdiş wina yê: Zozan Hemo, Kerem Ehmed El Şihab El Hemed (Îdarekarîya Koma Cinîyan ê Zenûbiyaye), Azad Ferhan Mihemed Hesan (Endamê Têgêrayîşê Ciwananê Şorişgêran ê Sûrîye), Mistefa Ebdî û Elî Şaşo. 

	  

	Heto bîn ra ame zanayîş ke dewleta tirkan û komê ci yê paramîlîter saetê serê sibayî de derûdorê Awbendê Tişrînî ke welatîjî kom bîyî, bombavaran kerd. Pêwa bombavaranî zî nobeta welatijan ê awbendî dewam kerd.