
Hîkayeya surgun, feqîrî, zîndan û xoverdayîşî

2024-11-18 10:45:27


	&nbsp;

	
	&nbsp;

	Neslîhan Kardaş

	&nbsp;

	WAN - Bêrîvan Tîbelîk ke surgun, zîndan, muhakeme û qeyûman dir têkoşîn kerda, da zanayîş ke do sey cinîyêke semedê azadîya xo têkoşîn bikero.

	&nbsp;

	Bi destê îqtîdarî Kurdistan de tedayî yenê kerdiş û tewr zêde zî cinî û tutî tesîr benê. Cinîyê kurdî her tewir şîdetî dir têkoşîn kenê, bi serran o hemverê şîdetê camêrd û dewlete de xo ver danê.

	&nbsp;

	Ver bi 25ê Teşrîna Peyêne Roja Têkoşînê hemverê Şîdetî yê Cinîyan o. Bêrîvan Tîgelîk ke ÎHDyê Wanî de aktîvîstî zerrîwaz a, cinîyêka hemverê teda de şîdet kena ya. Bêrîvan Tîbelîk xoverdayîşê xo qal kerd.

	&nbsp;

	Agêrayî dewa xo

	&nbsp;

	Bêrîvan Tîbelîk dîyar kerd, wextê 6 serre de yanî 1999ine de agêrayê dewe û wina vat: “Mi dewe de bi cesaret karê xo kerdêne. Mi karê ke vatêne karê camêrdan o kerdêne. Mi her tim vatêne, çira camêrdî eşkenê bikerê, cinî nêeşkenê bikerê?”

	&nbsp;

	‘Ma cinî her tim mîyanê têkoşîn de yê’

	&nbsp;

	Bêrîvan Tîbelîk wina dewam kerd: “2010ine de semedê nêweşîyê pîyê mi, ma ancî ameyî Wan. Na rey mi semedê keyeyê xo têkoşîn kerd. Ma zor û zehmetî antî. Ez xeylêk sektorê taybetî de xebityaya. Ez her çî de bi ser kewta. 2014ine de mi muracatê şaredarîya Wanî kerd. Muracatê mi ame qebûlkerdiş. Ma cinî her tim mîyanê paştdayîşî de bî. Hîrê serrî û nîme şuxilyaya. 2016ine de qeyûm ame tayînkerdiş.”

	&nbsp;

	‘Sey cinîyêke hewl dayî mi çin bikerê’

	&nbsp;

	Bêrîvan Tîbelîk wina vat: “Qeyûman ewilî de xebatanê cinîyan hedef girewtî. Badê qeyûman sey cinîyêke ez hedef ameya girewtiş. Waştî mi surgun bikerê. Ewilî mi kar ra dûr vistî. Waştî ez sere bitewînî û îstîfa bikerî. Înan mi surgunê garajêk kerd. Nêzdîyê 100 camêrd şuxilyayîne. Vatî qey ez o caverdî. La mi dewam kerd û mesajê xo da. La înan ancî cayê mi vurna û uca de problemê rayîrî est bî. Tewr peyîn îdarekarî ewnîya ez sere nêtewênena, peynîya karê mi ard.”

	&nbsp;

	Ameye tepiştiş

	&nbsp;

	Bêrîvan Tîbelîk tewr peyîn wina vat: “Bi îdiayê endamîya rêxistine ez tepişyaya. 10 aşmî tepişte menda. Ez zîndanê Tîpê Tyê Wanî ra surgunê zîndanê Tîpa Tyê Tarsûsî bîya. Ma bi rîng berdî. Kelepçe destê ma de bî. Sey îşkence bî. Badê ke ez vejîyaya zî mi têkoşînê xo dewam kerd. Azadîya cinîyan muhîm a. Ez nika sey aktîvîsta zerrîwaz ya ÎHDyî şuxilêna û qetî têkoşînê xo canêverdî.”

	&nbsp;