
Femînîst Hulya Osmanagaoglu: Ganî paştdayîşê hempar bêro rêxistinkerdiş  

2024-11-14 11:28:08


	&nbsp;

	Elfazî Toral

	&nbsp;

	STENBOL - Femînîsta xosere Hulya Osmanağaoglu bale ant muhîmîyê pêgirewtişê Têgêrayîşê Cinîyanê Kurdan û femînîstî ser o û dîyar kerd ke ganî sey Têgêrayîşê Cinîyanê Kurdan, femînîst, pêro têgêrayîşê cinî û sosyalîstan hemverê şîdet û polîtîkayê şerî yê AKP-MHPyî têkoşînêk hempar bêro birêxistinkerdiş.&nbsp;

	&nbsp;

	Bi hezaran cinî hemverê şîdet, desteştiş, qirkerdiş, qetilkerdiş û cîyayîyan vejîyenê meydanan. Cinî hemverê polîtîkayê serdestî benê yew û waştişê xo temamê dinya rê anê ziwan. Semedê cinîyan serkewtiş do bi xoverdayîşêk hempar pê bêro û na babete de biisrar ê.

	&nbsp;

	Derheqê paştdayîşê cinîyan mîyanê komelî ser o femînista xosere Hulya Osmanagaoglu ajansê ma JINNEWSî rê qisey kerd.&nbsp;

	&nbsp;

	Kerdişê polîtîkayê şerî

	&nbsp;

	Hulya Osmanagaoglu, wina qal kerd: "Wexto ke qalê çareserîya problemê kurdî yeno kerdiş, komel bi polîtîkayê hêrişî û tedayan rî bi rî maneno. Polîtîkayê şîdetî wareyê cuye de tesîrdar o. Semedê AKP-MHPyî çareserîya problemê kurdî destpêkê prosesê teda û zordarî yo. Sereyê ewilî qeyûm tayînê Şaredarîya Esenyurtî kerdî û badê zî Şaredariyê Êlih, Mêrdîn û Xelfetî qeyûm tayîn kerdî. &nbsp;Demêk derg o ke ma vînenê polîtîkayê şerî û polîtîkayê hemverê cinîyan pîya yeno kerdiş."

	&nbsp;

	Polîtîkayê qeyûman&nbsp;

	&nbsp;

	Hulya Osmanagaoglu dewam de wina vat,: "16 serrî o bi tayînkerdişê qeyûman, ma vînenê ke têkoşînê cinîya kurde yeno astengkerdiş. Mîyanê 8 serran de padayîşê merkezê cinîyan, merkezê serdayîşê cinîyan, betalkerdişê xeta telefonî yê şîdetî. Ewro reyke bîn qeyûmî kartê otobûsan ê cinîyan betal kerd û badê zî bernameyê 25ê Teşrîna Peyêne yê cinîyan betal kerd. No yeno manaya dûrvistişê cinîyan wareyê komelî yê îstîmlakî."

	&nbsp;

	'Ganî ma pîya rayîr ra şêrê’

	&nbsp;

	Hulya Osmanagaoglu, wina vat: "Ez paştdayîşê mabêne Têgêrayîşê Cinîyanê Kurdan û femînistan sey polîtîka ercnena. Ganî ma 25ê Teşrîna Peyêne de hemverê şîdetê camêrd û qeyûmê ke Mêrdîn de pêro karê cinîyan bêtal kerdo, bibê yew û têkoşîn bikerê. Qetilkerdişê cinîyan de paştdayîş danê kiştoxan. Semedê qanûnê 6284ine nîno pratîzekerdiî, Partîya Yeniden Refah, SAADET û HUDA-PAR hewl danê ke qanûn werte ra wedarnê û qanûn keno hacetê bazarî. No yeno manaya hêrişê hemverê destkewtişê femînistan. Hemverê hêrişê îqtîdarê AKP-MHPyî de ganî ma pîya rayîr ra şêrê.”

	&nbsp;

	'Mîyanê têkoşînêk hempar de xorêxistinkerdiş'

	&nbsp;

	Hulya Osmanagaoglu wina qedêna: "Hemverê rêjîmê faşîst, teda û polîtîkayê şerî yê îqtîdarê AKP-MHPyî, ganî femînistî, Têgêrayîşê Cinîyê Kurdî, sosyalîst û pêro têgêrayîşê cinîyan mîyanê têkoşînêk hempar de xo bi rêxistin bikerê.”

	&nbsp;

	&nbsp;