
Şaredarîya Amedî aşxaneyo diyîn akena

2024-11-08 14:41:36


	&nbsp;

	&nbsp;

	&nbsp;

	AMED- Hemşaredarê Şaredarîya Amedî ya Şaristanê Girdî Serra Bucak û Dogan Hatun do 10ê Teşrîna Peyêne de şubeyê diyîne yê Aşxaneyê Şarî ke seba werdê erjan, pak, weş û ewleyî xizmet dana şarî, akerê.

	&nbsp;

	Şaredarîya Şaristanê Girdî, hûmara Aşxaneyê Şarî ke şarê feqîrî rê werdê erjan, pak û weş dana, zêde kena. Serekîya Daîreya Xizmetanê Sosyalan a Şaredarîya Şaristanê Girdî ke 29ê Tebaxe de Kuçeyê Hunerî yê Taxa Kooperatîfan a Qezaya Yenîşehîrî de Aşxaneyê Şarî akerdbî, seba şubeyê diyîne Cadeyê Emekî yê Taxa Mewlana Xalid a Qezaya Baglarî de xebatê xo qedênayî. Aşxaneyê Şarî yê Qezaya Baglarî ke roja yewşeme ra teber her roje saete 12:00-17:00î de xizmet dana, tede 4 tewir werdî bi 70 lîra yenê dayene. Aşxaneyê Şarî goreyê kapasîteya xizmetê 1000 kesan ameya viraştene.

	&nbsp;

	Hemşaredarî do aşxane akerê

	&nbsp;

	Şubeyê diyîne yê Aşxaneyê Şarî do 10ê Teşrîna Peyêne roja yewşeme saete 13:00 de hetê Hemşaredaranê Şaredarîya Şaristanê Girdî Serra Bucak û Dogan Hatunî ra bêro akerdene.

	&nbsp;

	DBByî şar dawetê akerdişî kerd

	&nbsp;

	Şaredarîya Şaristanê Girdî şar dawetê akerdişê şubeyê dîyine yê Aşxaneyê Şarî kerd.

	&nbsp;

	Şaredarîya Şaristanê Girdî goreyê hewcedarî û waştişan do hûmara Aşxaneyanê Şarî zêde bikero.

	&nbsp;