‘Ganî peymanê mîyanneteweyî bêrê îmzakerdiş’  

2024-10-28 11:20:48


	 

	 

	Rozerîn Gultekîn

	 

	STENBOL - Sereka Şubeyê Hûmara 5ine Genel Îşî Nebîle Çetîn Irmak da zanayîş ke betalîyê cinîyan se ra 37 a û vat, semedê peymana ILO yê Hûmare 190 bêro îmzakerdiş têkoşîn kenê û ganî lezkî peymanê mîyanneteweyî bêrê îmzakerdiş.

	 

	Tirkîya de semedê polîtîkaya îqtîdarî wareyê ekonomî û cuya karê cinîyan teng beno. Cinî hemverê nê de têkoşîn kenê, wazenê Peymana  Rêxistina Xebata Mîyanneteweyî (ILO) yê Hûmara 190 ya Vernîya Şîdet û Desteştişê Cayê Karî gêno, bêro îmzakerdiş. Peymane 2019ine Konferansê Xebata Mîyanneteweyî de ameye tesdîqkerdiş. 25ê hezîrana 2021ine de ca ardî. Xeylêk welatijan Îmza kerd la Tirkîya îmza nêkerd.

	 

	Sereka Sendîkayê Karkerê Xizmetî yê Pêroyî (Genel Îş) ya Şubeyê Hûmara 5ine Nebîle Çetîn Irmak derheqê babete de qisey kerd.

	 

	Nebîleyê da zanayîş ke sînorê vêşanîye 21 hezar o û fatureyê krîzî şarî rê yeno birnayîş û vat: “Sînorê feqîrî zî serê 70 hezarî de yo. Se ra 70ê komelî bi meaşê asgarî şuxilênê. Rewşa cinîyan tewr giranêr a. Cinî bedelê krîzî bi can, xirabîyayîşê psîkolojî û bedenê xo danê. Şertî her ke şinê giran benê. Betalîya cinîyan se ra 37 a.  Xeylê cinî unîversîte ra  mezun bîyê. La karê bêasayîş û hêzê erjanî de şuxilênê. Desteştiş û mobîng înan rê yeno kerdiş. Keye ra yenê sînorkerdiş.”

	 

	Hemverê desteştiş û mobîng: ILO 190

	 

	Nebîle dewam de wina vat: “Peymana ILO hemverê her tewirê şîdet, desteştişê cayê karî yê hemverê cinîyan 2019ine de ame îmzakerdiş. Na peymane vernîya şîdetê cinîyan ser pada. Ma serra vîyarte de semedo ke peymane bêro îmzakerdiş, 25ê teşrîna verêne de kampanya da destpêkerdiş. Ma vejîyayî kuçeyan û ma têkoşîn kerd. Ma derheqê nê de pêvînayîş kerd. Ganî peymana mîyanneteweyî lezkî bêro îmzakerdiş.”

	 

	'Ganî îdeolojîya xelisyayîşê cinî bêro vilakerdiş'

	 

	Nebîle wina qedêna: “Sîyasetêk paşta xo dayo cinî û dişminê cinî est o. Vano ke tutan bîyarê û keye de xizmet bikerê. Nêwazenê cinî îtîraz bikerê. Modelêk cinîyan ê Talîbanwarî pêşkêş kenê. Semedê nê zî tedayan cinîyan rê kenê. Hewce bi têkoşînêk yewbîyayeyê cinîyan est o. Ganî îdeolojîya xelasîya cinî vila bibo.”