Avûkata Buroyê Huqûqî yê Asrine: Ocalan muxatabo sereyîn o

2024-10-23 10:47:26


	 

	 

	Rozerîn Gultekîn

	 

	STENBOL - Avûkata Buroyê Huqûqî yê Asrine ra Raziye Ozturk, serê eşkerayîyê Serekê Pêroyî yê MHPyî Devlet Bahçelî yê derheqê tecrîdê girankerde yê Rayberê PKKyî Abdullah Ocalanî ser û 'heqê hêvîye' de ercnayîş kerd û vat: "Ercnayîşêk saxlem tena bi akerdişê berê Îmraliyî û ercnayîşê Birêz Ocalanî eşkeno bêro kerdiş. Birêz Ocalan, muxatabo sereyîn o."

	 

	Pêwa ke bi rojan o rayaumûmî munaqeşeyê, "Prosesê çareserîye" dewam kenê, Serekê Pêroyî yê MHPyî Devlet Bahçelî kombîyayîşê koma partîya xo hewtane de tecrîdê serê Rayberê PKKyî Abdullah Ocalanî qebûl kerd û serra 2014ine de Dadgeha Heqê Merdiman ê Ewropayî (DMME) qerarê binpaykerdişê "Heqê Hêvîye" da, la 10 serrî yo derheqê îhlalkerdişî de zî tu game nêameye eştiş.

	 

	Avûkata Buroyê Huqûqî yê Asrine Razîye Ozturk derheqê averşîyayîşê bîyaye de ercnayîş kerd.

	 

	'Ganî gamê verçêmî bêrê eştiş’

	 

	Razîye dîyar kerd ke ê muhîmî danê averşîyayîş û eşkerayîyêke yenê dayîş û wina vat: "Ganî tecrîd Birêz Ocalanî ser o bêro wedaritiş û heqê weşîye, asayîş û azadî bêro awankerdiş. Birêz Ocalanî badê ke berdî, mîyanê tecrîdî de yo. Rejîmo ke birêz Ocalan ci de bî û ci dir derbaz bî, her çiqas goreyê huqûqê mîyanneteweyî, qerarê DMME û raporê CPTyî nêrê qebûlkerdiş û hemverê qedexekerdişê îşkenceyî amebî vînayîş zî, her çiqas goreyê huqûqê mîyanneteweyî, qerarê DMMEyî û raporê CPTyî nêrê qebûlkerdiş zî, metodêk xidar dewam bîne. Bi serran o destûr nîno dayîş ke birêz Ocalan heqê xo yê qanûnî û bingehîn bişuxilno. Ma avûkatî Tebaxa 2019ine ra nata destûr nêdîyeno ma ke ma Birêz Ocalanî dir pêvînayîş bikerê. Labelê birêz Ocalan mîyanê şert û mercê awarte de, telefon de keyeyê xo dir qisey kerd û vat, 'Ganî qanûnî bêrê caardiş û çîyo huqûqî o yo ke  avûkatî bêrê'. Ancî Adara 2020ine û nata destûr nêdanê keye ey dir pêvînayîş bikero.  Bahçelî, bi eşkerayîya xo bîyayîşê tecrîdê Îmraliyî qebûl kerd. Tecrîd ne qanûnî û ne zî însanî yo, ganî bêro wedaritiş."

	 

	'Lazim o vurnayîşan bikero'

	 

	Razîye heqê hêvîye wina ercna: "AÎHMî bi qerarê xo yê serra 2014ine de derheqê Birêz Ocalanî de qerar da ke cezaya muebbetî ya giran ke destûr nêdano serbestveradayîşê bi şert û heta mergî zîndan de bimano, eksê qedexekerdişê îşkenceyî û semedo ke na babete hemverê heqê hêvîye yo, ganî vurnayîşêk qanûnî bêro kerdiş. Badê qerarî vera vurnayîşê sîstemê yasayî de bêrê kerdiş, metodêk ke qebûl nêkerd û caardişê qerarî peyser eşt. Heyetê Wezîran ke nê caardişî ra berpirsyar o, nêzdîbîyayîşêk paralel girewt. Tirkîya serra 2014ine û nata qanûnê xo yê qanûnî de lazim o vurnayîşan virazo.”

	 

	'Ocalan muxatabo sereyîn o'

	 

	Razîye tewr peyîn wina vat: “Munaqeşeyê ke Birêz Ocalanî ser o yenê kerdiş, rewşa muxatab û sewîyeya tesîrê Birêz Ocalanî eşkera keno. Na rewşe sey verê xeylêk rey ameya ciwîyayîş û reyke bîn ameya tesdîqkerdiş. Eke berê Îmraliyî bêrê akerdiş û birêz Ocalan ke muxatabê sereyîn o fikr û fehmê xo bîyaro ziwan, ercnayîşêk saxlem mumkin o.”