
Dewaya keyeyê Şenyaşarî de kesê tepişteyî vera dîyayî

2024-10-18 12:56:15


	&nbsp;

	&nbsp;

	&nbsp;

	RIHA - Dewaya hêrişê hemverê keyeyê Şenyaşarî de derheqê pêro tepişteyan de qerarê tehlîye dîya.&nbsp;

	&nbsp;

	Pawitox û merdimê parlamenterê AKPyî yê verê Îbrahîm Halîl Yildiz 14ê hezîrana 2018ine de qezaya Pirsûsî ya Rihayî de hêrişê keyeyê Şenyaşarî kerdibî û hîrê ferdê keyeyî qetilkerdibî. Prosesê muhakemekerdişê hedîse dewam keno. Dima ra semedê hêrişê hemverê kargehê keyeyê Şenyaşarî û hêrişê nêweşxaneyî di cipersayîşê cîya amebî destpêkerdiş. Dima ra dosya kerdibî yew. &nbsp;

	&nbsp;

	Roniştişê 8ine ê dewa de her di hetî ra 4 ci ra tepişteyî, derheqê 30 kesan de amebî akerdiş, 3in Dadgeha Cezaya Giran ya Meletî de ameye kerdiş. &nbsp;Tepişte Fadil Şenyaşar ke hêriş de pîyê ey û her di birayê ey ameyî qetilkerdiş Zîndanê Tîpa Tyê Hûmara 2yîn yê Amedî de bi SEGBÎSî tewrê roniştişî bî. Versucê bînî Enver Yildiz, Mekaîl Şîmşek û Celal Yildiz zî zîndan de tepişyeyê bi SEGBÎSî tewrê roniştişî bîyî.&nbsp;

	&nbsp;

	Ameyî tahlîyekerdiş

	&nbsp;

	Emîne Şenyaşar ke qirkerdiş de mêrdeyê aye û di lajê aye ameyî qetilkerdiş, semedê problemê xo yê weşîye tewrê roniştişî nêbî. Avûkatê keyeyê Şenyaşarî roniştiş de amade bîyî.&nbsp;

	&nbsp;

	Roniştiş badê tespîtê nasnameyan dest pêkerd de, dozgerî mutalaya xo eşkera kerd. Dozgerî, waştişê tehliyeyê pêro versucanê tepişteyan kerd û waşt ke cipersayîş bêro hîrakerdiş.&nbsp;

	&nbsp;

	Avûkatê keyeyê Şenyaşarî yê hemverê mutalayî heqê qiseykerdişî girewtî, dîyar kerdî ke waştişê tehlîyeyê dozgerî ca de yo û waştişê tehliyeyê Fadil Şenyaşarî kerdî. Avûkatê versucê bînî zî eynî çî waştî.&nbsp;

	&nbsp;

	Dadgehe badê mabêne, qerarê tehlîyeyê pêro versûcan da. Dadgehe derheqê versûcan de qerarê “zîndanê keyeyî” da û roniştiş taloqê 21ê sibata 2025ine kerd.

	&nbsp;

	&nbsp;

	&nbsp;