Roniştişê Halîse Aksoy ame taloqkerdiş 

2024-09-18 13:02:00


	 

	 

	AMED - Roniştişê dewaya Halîse Aksoy ke serê îfadeyê îtîrafkar Umît Akbiyik de amebî akerdiş, ame taloqkerdiş. 

	 

	Halîse Aksoy ke esteyê lajê aye Agît Îpek bi kargoyî de qutiyêk de ci rê amebî şirawitiş, 28ê nîsana 2023ine de seba îfadeyê îtîrafkar Umît Akbiyik bi îdiayê “Endamîya rêxistine” amebî girewtiş. 4ine roniştişê dewaya Halîse 10ine Dadgeha Cezayê Giran ya Amedî ameye organîzekerdiş. Halîse ke nêgirewte muhakeme bîye, beşdarê roniştişî nêbî la avûkatê Zeynep Karayilan û Necat Çîçek roniştiş de amade bîyî. 

	 

	Avûkatan waşt ke temamê îfadeyê îtîrafkar Umît Akbiyik dosya de bêrê zêdekerdiş. Heyetê dadgehe waştiş red kerd û bi sebebê ke ewraqê kesê îfadeyê Umît de ca gênê nêameyê şirawitiş, roniştiş taloqê 8ê Teşrîna Peyêne kerd.