
Avûkatanê Abdullah Ocalanî seba pêvînayîşî muracat kerd 

2024-07-23 14:50:06


	&nbsp;

	&nbsp;

	STENBOL - Avûkatanê Buroyê Huqûqî yê Asrînî seba pêvînayîşê bi miwekîlê xo Rayberê PKKyî Abdullah Ocalanî ke 40 aşmî yo tu xebere nîna girewtiş, muracatê Serdozgerîya Komare ya Bursayî û Midûrîyê Zîndanê Îmraliyî kerd.&nbsp;

	&nbsp;

	Avûkatanê Buroyê Huqûqî yê Seserre ra Suzan Akîpa, Îbrahîm Bîlmez, Cengîz Yureklî û Emran Emekçî seba pêvînayîşê bi Rayberê PKKyî Abdullah Ocalan ke Zîndanê Padayeyê Tîpê Fyî bi Asayîşê Berzî yê Îmraliyî de yeno tepiştiş, Serdozgeriya Komare ya Bursayî û Midûrîyê Zîndanê Îmralî muracat kerd. Heto bîn ra avûkatan, seba pêvînayîşê bi Omer Hayrî Konar, Hamîlî Yildirim û Veysî Aktaş zî hem muracatê dozgerî û hem zî midûrîyê zîndanî kerdî.&nbsp;

	&nbsp;

	Pêvînayîşî yenê astengkerdiş

	&nbsp;

	Heqê pêvînayîşî yê Abdullah Ocalanî û her hîrê tepişteyê bînî yê bi keye û avûkatan reyde bi sebebê “cezayê disiplînî” yenê astengkerdiş. Serdozgerîya Komare ya Înfazê Bûrsayî bi periyodê 6 aşman reyke pêvînayîşê bi sebebê "cezayê dîsiplînî" asteng kena.

	&nbsp;

	Qedexeyê pêvînayîşî

	&nbsp;

	Dimayê hewldayîşî darbeyê Temmuza 2016ine Rewşa Îstîsnayî ameye îlankerdiş û qedexeyê pêvînayîşî heta sibatê 2018ine dewam kerd. Dimayê nê tarîxî waştişê pêvînayîşî yê avûkatan 6 aşmî ra reyke ameyî qedexekerdiş.&nbsp;

	&nbsp;

	Tewr peyîn Serdozgerîya Komare ya Bûrsayî 3yê gulana 2024ine de derheqê Abdullah Ocalanî û tepişteyê Zîndanê Îmraliyî de yenê tepiştiş de qerarê qedexekerdişê pêvînayîşê bi avûkatan ê 6 aşman da.&nbsp;

	&nbsp;

	Pêwa qerarê peyîn derheqê Ocalanî de 8 serrê peyîn de tewr tay 13 rey seba 6 aşman qerarê qedexekerdişê pêvînayîşî avûkatan reyde ame dayîş.

	&nbsp;

	&nbsp;

	&nbsp;

	&nbsp;