Ji Wezîrê Dadê bersiva Îmraliyê: Divê em sebir bikin 

2024-12-18 11:44:39


	 

	 

	ENQERE - Wezîrê Edaletê Yilmaz Tunç, li ser pirsa serlêdana Îmraliyê got, "Piştî hevdîtinên budçeyê qediya wê biryareke muhtemel bê dayîn."

	 

	Wezîrê Dadê Yilmaz Tunç, têkildarî serlêdana Hevserokên Giştî yên Partiya Wekhevî û Demokrasiyê ya Gelan (DEM Partî) Tuncer Bakirhan û Tulay Hatîmogullari ya ji bo di 26'ê Mijdarê de biçin Îmraliyê, careke din bersiv da pirsên rojnamevanan.

	 

	Wezîrê Dadê der barê serlêdana Îmraliyê de got, “Em ê demeke guncav diyar bikin. Li gorî vê yekê, divê em hinekî bi sebir bin. Jixwe danûstandinên butçeyê hene. Bêguman piştî ku budce biqede dê biryarek were dayîn."