16 'ê Kanûna 2018'an: Li dijî tecrîdê li girtîgehan greva birçîbûnê dest pê kir 

2024-12-16 09:01:29


	 

	Di 8'ê Mijdara 2018'an de bi pêşengiya Hevseroka Kongreya Civaka Demokratîk (KCD) û aktîvîsta TJA'yê Leyla Guven li dijî tecrîda li hemberî Rêberê PKK'ê Abdullah Ocalan greva birçibûnê hat destpêkirin. Li tevahiya girtîgehan jî di 16'ê kanûna 2018'an de greva birçîbûnê ya bêdem û bêdorveger dest pê kir.

	 

	Hin geşedanên girîng ku îro di dîrokê de qewimîne wiha ne: 

	 

	1977: Neteweyên Yekbûyî biryar da ku 8'ê Adarê wek Roja Jinên Cîhanê bê pêşwazîkirin. 

	 

	2015: Hediye Şen (30) li taxa Cûdî ya Cizîra Şirnexê di dema qedexeya derketina dervê de di encama gulebarandinê jiyana xwe ji dest da. 

	 

	2015: Jinên Nisêbinê li dijî girtina Kongreya Jinên Azad (KJA) çalakiya şermezarkirinê li dar xistin. 

	 

	2016: Koalîsyona Jinan a Rojnamegeran (CFWIJ), bi hevkariya Sendîkaya Rojnamegerên Tirkiyeyê li Stenbolê li ser "Ewlehiya Rojnamegerên Jin" panelek li dar xist.

	 

	2018: Li Wargeha Penaberan a Şehîd Rustem Cûdî (Mexmûr) li dijî tecrîda li hemberî Rêberê PKK'ê Abdullah Ocalan greva birçîbûnê dest pê kir. 

	 

	2021: Nivîskar, rexnegir û akademîsyen bell hooks di 69 saliya xwe de li Kentucky a ABD'ê jiyana xwe ji dest da.