Hejmara şîdetê ya meha tîrmehê: 21 jin hatin qetilkirin 

2024-08-06 09:04:25


	 

	 

	Yeşim Oruç

	 

	NAVENDA NÛÇEYAN - Di meha tîrmehê de 21 jin û 4 zarok hatin qetilkirin, 22 jin û 2 zarok jî bi guman jiyana xwe ji dest dan.

	 

	Tundiya li ser jinan ku li bajarên Tirkiye û Kurdistanê her ku diçe zêde dibe, zarokan jî dikuje. Di dema ku mêrên kiryar bi hincetên cuda serî li her cure şîdetê didin, jinên ku di nava şîdeta malbatî, dewletî û mêraniyê de ne ji bo parastina jiyana xwe têdikoşin. Her çend piraniya bûyerên tundiyê di çapemenî û raya giştî de cih negirin jî, bîlançoya encamên tundiyê nîşan dide. Li gorî daneyên ajansa me berhev kir, di meha tîrmehê de 21 jin û 4 zarok hatin qetilkirin, 22 jin û 2 zarok jî bi guman jiyana xwe ji dest dan.

	 

	Stenbol û Meletî di rêza yekem de ne

	 

	Li Xarpêtê 2, li Kutahyayê 1, li Edeneyê 1, li Stenbolê 3, li Meletî 3, li Karaman 1, li Semsûr 1, li Sêrt 1, li Erziromê 1 jin li Gîresûnê 1 jin li Kayserîyê 1, li Kocaeliyê 1, li Edîrneyê 1, li Gumuşhaneyê 1, li Mêrsînê 2 jin hatin qetilkirin.