
18'ê Mijdara 2016'an: Hediye Ataman ji aliyê leşkeran ve hat qetilkirin 

2023-11-18 09:01:36


	&nbsp;

	&nbsp;

	&nbsp;

	Li Kuçeya Çelebibagi ya Erdîşa Wanê di saetên şevê de malek ji aliyê leşkeran ve hat dorpêçkirin û hat şewitandin. Hediye Ataman a di mal de bû hat qetilkirin. Piştî bûyerê hin organên çapemeniyê diyar kirin ku jineke PKK'yî mirî hatiye dîtin û 3 polîs jî birîndar bûne. Lê rastî zû aşkere bû, cîranên Hediyeyê diyar kirin ku ji aliyê leşkeran ve hatiye kuştin.&nbsp;

	&nbsp;

	Hinek geşedanên din ên di dîrokê de îro qewimîne wiha ne:

	&nbsp;

	1910: Sufrajetên ku ji bo mafê jinê yê bikaranîna deng têdikoşiyan li ber Kamaraya Avamê bi tundiya polîsan rû bi rû man û 199 jin jê hatin girtin. Di dema bûyerên wekî 'Îna Reş'derbasî dîrokê bû de jin ji aliyê polîsan ve li erdê hatin kaşkirin û lêdan xwarin. Dîmenên di raya giştî de cihê xwe girtin bûn sedema bertekên mezin. Têkoşîna sufrajetan a li Îngilistanê heta bidestxistina bikaranîna deng a jinan dewam kir.&nbsp;

	&nbsp;

	2015: Jinên Ereb û Suryan ên li Helebê dijiyan ji bo Rêberê PKK'ê Abdullah Ocalan name şandin. Jinan gotin "Fikrên we yên felsefîk pêşiya azadiya me ya jinan vedike."

	&nbsp;

	2015: Koordînasyona Stenbolê ya Kongreya Jinên Azad (KJA) çalakiya xwe ya 4 rojî ya li dijî komkujiyên li bajarên kurdan dihatin kirin a bi dirûşma "Em li kolana ne em ê serî hildin û ji kujeran hesab bipirsin" li Avcilar dabûn destpêkirin, bi dawî kirin.&nbsp;

	&nbsp;

	2015: Xwepêşandana reqsê ya têkildarî jiyana hunermenda baleyê ya yekem a kurdan Leyla Bedirxan a ji aliyê Ekîba Reqsê ya Mezopotamyayê hatibû amadekirin li ser Dika Modayê ya Kadikoyê hat pêşandan.&nbsp;

	&nbsp;

	&nbsp;

	&nbsp;

	&nbsp;

	&nbsp;