
9'ê Îlona 2001'an: Piştevaniya Jinan a ji bo Aştiyê hevdîtinek pêk anî  

2021-09-09 09:11:52


	&nbsp;

	&nbsp;

	Koma Piştevaniya Jinan a ji bo Aştiyê di sala 2001'an de hevdîdinek pêk anî û hevdîtin 3 rojan dom kir. Ji Amed, Êlih, Îzmît, Golcuk Enqere û Bergamayê jin tevlî hevdîtinê bûn. Di hevdîtinê de jinan bal kişandin ser girîngiya aştiyê. Jinan bi taybetî li ser rewşa jinên ku li herêmê dijîn rawestiyan.&nbsp;

	&nbsp;

	1868: Nivîskara Amerîkî Mary Hunter Austin îro hat dinê. Bi berhemên xwe ya li ser xwezayê nivîsandî tê nasîn. Mary, di 13'ê tebaxa 1934’an de jiyana xwe ji dest da.&nbsp;

	&nbsp;

	1927: Aborînas û civaknasa Rûsî Tatyana Zaslavskaya îro hat dinê. Tatyana li ser civaknasiya cotkariyê pirtûk nivîsand û di sala 1991'an heta 1992’yê endamtiya Komîteya Piştvaniya Şêwrê ya Serok Dewletê Rusyayê û her wiha endamtiya &nbsp;Akademiya Zanyarî ya Rusyayê kir. Tatyana, di heman demê de damezrênera VCIOM’ê bû. Her wiha ji 1987’an heta 1992’yan rêvebertiya wê kir. Tatyana, di sala 2000'an de xelata Demidovê girt û her wiha Seroka Rûmetê ya Navenda Levadayê bû. Tatyana di 23'yê tebaxa 2013’yan de jiyana xwe ji dest da.&nbsp;

	&nbsp;

	2013: Parêzvana mafê mirovan a xelkê Sri Lankayê Sunila Abeysekera, wek zanyar bi salan li ser mafê jinan rawestiya. 8 sal beriya niha îro jiyana xwe ji dest da. Sunila, di sala 1984’an de Kollektîfa Medya û Jinê avakir. Wek seroka Navenda Belgekirina Mafên Mirovan a INFORMR'ê, şerê navxweyî de binpêkirina mafên mirovan şopand. Sunila, di sala 1999'an de xelata Mafên Mirovan a Yekitiyê girt û di sala 2013’yan de jî layîqê Xelata Edalet û Aştiyê ya Başûrê Asyayê Didi Nirmala Shpandeyê hat dîtin.&nbsp;

	&nbsp;

	2020: Kongreya Star a Kantona Kobanê 4’emîn konferansa xwe bi tevlîbûna 150 delegeyan bi dirûşma "Bi têkoşîna Zehra û Hevrînê li dijî dagirkeriyê derkevin û şoreşa jinê mayînde bikin' pêk anîn.&nbsp;