
Li Rojava 14 kesên din bi vîrûsê ketin 

2020-08-18 10:34:56


	&nbsp;

	QAMIŞLO - Desteya Tenduristiyê ya Bakur û Rojhilatê Sûriyeyê ragihand ku 14 kesên din li herêmê bi vîrûsa koronayê ketine. Bi tevahî heta niha 219 kesî bi vîrûsê ketin.&nbsp;

	&nbsp;

	Hevserokê Desteya Tenduristiyê Ciwan Mistefa da zanîn ku 14 rewşên din yên vîrûsa koronayê li herêmê hatin dîtin, her wiha 2 kes jî rewşa wan baş bûye. Kesên ku bi vîrûsê ketine wiha ne: 8 kes li Qamişlo, 3 li Dêrikê, 2 li Amûdê û li Kobanê jî kesek.&nbsp;

	&nbsp;

	Ciwan destnîşan kir ku hêjmara giştî ya kesên ku bi vîrûsê ketine dighêje 219 kesî, ji wan 14 kesî jiyana xwe ji dest daye.&nbsp;

	&nbsp;

	Hêjaya bibîrxistinê ku biryara Rêveberiya Xweser a ferzkirina lixwekirina ropûşan wê îro bikeve meriyetê de. Rêveberiya Xweser biryara lixwekirina ropûşan ser welatiyan li deverên giştî weke bazar, sazî û hemû deverên ku tevgera gel lê çêdibe da ferizkirin û yê ku vê biryarê pêkneyine wê baca bide. &nbsp;

	&nbsp;