Ji ber vîrûsa korona di rojekê de 242 kes mirin  

2020-02-13 12:41:38


	 

	NAVENDA NÛÇEYAN - Li Çînê ji ber vîrûsa korona (Covid-19) nava 24 saetan de 242 kesan jiyana xwe ji dest dan. Hêjmara miriyan bû hezar û 369.

	 

	Bîlançoya vîrûsa korona ya ku li bajarê Çînê Vûhanê derket holê û her diçe li gelemperiya Çînê û welatên din berbelav dibe roj bi roj girantir dibe. Di nava 24 saetên dawî de 242 kesên din jiyana xwe ji dest dan.

	 

	Hat ragihandin ku di 14 hezar û 840 kesên din de vîrûs hatiye dîtin. Her wiha hêjmara kesên ku bi vîrûsê ketine derket 48 hezar û 206 kesan.