
Bi dirûşma 'Jin jiyan azadî' keziyên xwe hunandin  

2026-01-28 15:23:42


	&nbsp;

	COLEMÊRG - Dayikên Aştiyê li Geverê, bi stran, tilîlî û dirûşman ve çalakiya kezî honandinê li dar xistin.

	&nbsp;

	Li Rojava, li dijî birîna keziyên şervana YPJ’ê ji aliyê çeteyên HTŞ’ê ve, bertek didomin. Endamên Meclisa Dayikên Aştiyê ya Geverê li dijî vê bertek nîşan dan û bi stran, tilîlî û dirûşman ve çalakiya kezî honandinê li dar xistin. &nbsp;

	&nbsp;

	Dayikên Aştiyê ku li avahiya Partiya Wekhevî û Demokrasiyê ya Gelan (DEM Partî) a Geverê civiyan, bi rengên kesk, sor û zer ve porên jinên ciwan honandin. Keziyên ku bi klaman ve hatin honandin, diyariyê şervanên YPJ’ê hatin kirin.&nbsp;

	&nbsp;

	Çalakî bi berzkirina dirûşmên “Jin, jiyan, azadî”, “Bijî Rojava” û “Bijî Serok Apo” ve bi dawî bû.

	&nbsp;