
'Azadiya fîzîkî ya Rêber Apo ji bo aştiyê, şertê bingehîn e' 

2025-12-30 14:43:57


	&nbsp;

	NAVENDA NÛÇEYAN - Mala Jin li Hesekê bi daxuyaniyekê daxwaza azadiya fîzîkî ya Rêberê Gelê Kurd Abdullah Ocalan kir.

	&nbsp;

	Mala Jin li bajarê Hesekê ya Kantona Cizîrê ya Bakur û Rojhilatê Sûriyeyê bi daxuyaniyekê daxwaza azadiya fîzîkî ya Rêberê Gelê Kurd Abdullah Ocalan kir.

	&nbsp;

	Di daxuyaniyê de rêxistinên jinan nûnerên civaka sivîl û parêzerên jin beşdarî bûn. Daxuyanî ji aliyê rêveberiya Mala Jin Nûra Omer ve hate xwendin.

	&nbsp;

	Nûra Omer di daxuyaniyê de destnîşan kir ku tecrîda li ser Abdullah Ocalan rê li ber pêşeroja aştiyê û civaka demokratîk digre. Nûra Omer got ku Abdullah Ocalan bi zêdetirî 27 salan e di şert û mercên tecrîdeke giran de tê girtin û ev rewş aramiya herêmê dixe xeterê.

	&nbsp;

	Nûra Omer tekez kir ku azadiya fîzîkî ya Abdullah Ocalan ne tenê mijareke mirovî ye lê her weha pêwistiyeke siyasî û dîrokî ye ji bo vekirina rêyên nû yên çareserkirina pirsgirêkan û pêkanîna aştiya mayînde.

	&nbsp;

	Di daxuyaniyê de hat diyarkirin ku azadiya fîzîkî ya Abdullah Ocalan daxwaza aliyekî taybet nîne lê daxwaza giştî ye ji bo çareserkirina pirsgirêka Kurd û krizên li Rojhilata Navîn. Nûra Omer anî ziman ku bê azadiya fîzîkî ya Rêberê Gelê Kurd Abdullah Ocalan aştîya rastîn û çareseriyên mayînde çênabin û destnîşan kir ku ew “mifteya aştiyê” ye.

	&nbsp;

	Mala Jin di dawiya daxuyaniyê de bang li rêxistinên mafên mirovan saziyên navneteweyî, civaka sivîl û partiyên siyasî kir ku tevbigerin û zextê li rayedarên peywendîdar bikin da ku tecrîda li ser Îmraliyê bi dawî bibe.

	&nbsp;

	Daxuyanî bi dirûşmeya “Bijî Serok Apo” bi dawî bû.

	&nbsp;