Li Sancaktepeyê hevdîtina gel 

2025-11-30 18:44:34


	 

	STENBOL- Li Stenbolê bi pêşengiya 10 partiyên siyasî bi dirûşmeya ‘em ji bo nanê xwe tên gel hev’ hevdîtin pêk hat û peyama ‘Em ê biçin Îmraliyê jî em ê aştiyê jî bînin welat. Em ê nanê xwe yê ku mafê me ye ji nû ve bidest bixin’ hat dayîn.

	 

	Bi pêşengiya Partiya Wekhevî û Demokrasiyê ya Gelan (DEM Parti),Partiya Tevgera Kedê (EHP), Federasyona Meclîsên Sosyalîst (SMF), Partiya Karkeran a Tirkiyeyê (TİP), Partiya Azadiya Civakî (TOP),  Partiya Demokratîk a Herêman (DBP), Platforma Piştevaniya Sosyalîst (SODAP), Partiya Sosyalîst a Jinûve Sosyalîst (SYKP), partiya Çep a Keskan a Şoreşger, li Sancaktepe a Stenbolê bi dirûşmeya ‘em ji bo nanê xwe tên gel hev’ li Kolana Demokrasiyê hevdîtin pêk anî. Nûnerên tevli hevdîtinê bûn yek bi yek axivîn.

	 

	Xebatkara tenduristiyê Sema Araslan Turk da zanîn ku 10’ê Mijdarê de 180 karkerên tenduristiyê yên Nexweşxaneya Okmeydani ya Taybet  ji kar hatine avêtin û got pergala tenduristiyê ji bo sermayê bide jiyîn heye û got: “Em mexdurên vê zîhniyetê ne. 10’ê Mijdarê de keda me xespkirin. Me serî netewand. Me berxwe da. 21 roje em berxwe didin.  Em ê mafê xwe bi têkoşînê bidest bixin.”

	 

	Peyam têkoşînê

	 

	Endama Lijneya Berdevka TOP’ê Julîana Gozen jî balkişand ser tunekirina mafê kedkara nû got: “Em îro ji bo nanê xwe mezin bikin li virin. Emê li qadan bên gel hev, bibin yek û li dijî sermayê têbikoşin. Ji bo jiyanek bi rûmet, ji bo komarek demokratîk em ê têkoşîn axwe bidomînin.”

	 

	Hevberdevka Partiya Çep a Keskan Dîdem Goçer jî axivî û bi lêv kir ku ew ê ji bo aştiya civak û edaletê têbikoşin û got ew di perwerdehî, tenduristiyê de mûçeyekî li gorî rûmeta mirovahiyê dixwazin.

	 

	Serokwekîlê Koma DEM Partiyê Sezaî Temellî jî  axivî û banga 27’ê Sibatê ya ku Rêberê Gelê Kurd Abdullah Ocalan kiriye bibîr xist û wiha got: “Şer heye xizanî heye. Butçeya aydê me ji şer, top, SÎHA,ÎHA’yan re çû. Yên aştiyê naxwazin berê xwe didin sermayê. Em ê biçin Îmraliyê, em ê aştiyê bînin vî welatî. Em ij kesî efûyê naxwazin. Em edaletê dixwazin Em ji bo nan edaletê dixwazin.”

	 

	Hevdîtin bi stranan bidawî bû.