
Li Îranê girtiyên jin nayên dermankirin  

2025-11-29 13:02:42


	&nbsp;

	NAVENDA NÛÇEYAN - Zext û êrişên rejîma Îranê ya li beramberî jinan berdewame. Heman çarçoveyê de li Sineyê jinek hate girtin û li girtîgeha Evînê du girtiyên jin nayên dermankirin.

	&nbsp;

	Malpera Dengê Binçavkiriyên Kurd û Îranê ragihand ku jinek Kurd bi navê Şeyda Ezîzî ya xelkê Sine ya Rojhilatê Kurdistanê ji aliyê liqa yekem a Dadgeha Şoreşê ya Sineyê ve bi tometa "hewldana ji bo xirabkirina ewlekariya neteweyî" bi sê sal cezayê girtîgehê hate mehkûmkirin.

	&nbsp;

	Hate diyarkirin ku Şeyda Ezîzî di dema şerê 12 rojî yê Îran û Îsraîlê de li Sineyê bêyî fermana dadwer hatibû binçavkirin û şandibûn girtîgeha bajêr.

	&nbsp;

	Her wiha hate ragihandin ku du girtiyên jin yê siyasî yên li girtîgeha Evînê bi navê Merziye Farisî û Ferûx Teqî Pûr bi pirsgirêkên fîzîkî re rû bi rû ne û nayên dermankirin.

	&nbsp;