
Li Hesekê û Çilaxa çalakiyên 25’ê Mijdarê 

2025-11-22 20:48:53


	&nbsp;

	NAVENDA NÛÇEYAN - Bi boneya 25’ê Mijdarê, li bajarê Çilaxa dewreyeke pewerdeyê ya mêran hat vekirin û li Hesekê jî semînerek ji aliyê Partiya Kesk a Demokrat ve hate dayîn.

	&nbsp;

	Di çarçoveya bernameya 25’ê Mijdarê Roja Têkoşîna li dijî Tundiya li ser Jinan de li Çilaxa dewreyeke perwerdeyê ya mêran hat vekirin û li Hesekê jî semîner hate dayîn.

	&nbsp;

	Çilaxa

	&nbsp;

	Rêxistina Kongra Star a bajarê Çilaxa yê kantona Cizîrê bi beşdariya 46 mêran dewreyeke perwerdeyê da destpêkirin. Dewreya perwerdeyê li navenda PYD’ê hatiye vekirin wê 3 rojan dewam bike.

	&nbsp;

	Perwerde bi deqeyeke rêzgirtin dest pê kir. Piştre rêvebera Kongra Star Rîhan Temo axivî û diyar kir ku civaka xwezayî li ser esasê azadî û wekheviyê hatibû avakirin û rola jinan di rêxistinkirina civakê de sereke bû, lê bi pêşketina zihniyeta baviksalar re zayendparêzî pêş ket.

	&nbsp;

	Rîhan Temo got, li dijî zayendparêziyê pêdivî bi çareseriyên bingehîn hene ku bi guhertina hişmendiya min û jin û vegera li civaka xwezayî ve dest pê dike.Rîhan Temo banga avakirina nifşekî nû li ser esasên edalet, wekhevî û hevjiyana &nbsp;azad kir.

	&nbsp;

	Beşdarên perwerdeyê ku nêrînên xwe anîn ziman diyar kir ku zihniyeta serdest berhema hezarên salan eû û gotin, dê ji bo avakirina civakeke demokratîk, wekehv û edaletî bixebitin.

	&nbsp;

	Hesekê

	&nbsp;

	Partiya Kesk a Demokrat bi dirûşma "Em bi hev re li dijî tundiyê civakeke demokratîk û komunal ava bikin" li navenda xwe ya li Hesekê semînerek li dar xist. Di semînerê de endamên partiyan, komîn û meclisan amede bûn.

	&nbsp;

	Semîner ji hêla endama Ofîsa Jinan a partiyê Delal El Heşimî ve hate birêvebirin. Di semînerê de behsa tundiya li dijî jinan û bandora wê li ser civakê, malbat û jinan hate kirin.

	&nbsp;

	Delal El Heşîmî diyar kir ku rizgarkirina hişmendiyê û parastina nasnameya jinan rêya bingehîn a ber bi azadiyê ve ye û got: "Têkoşîna li dijî şîdeta li dijî jinan ne tenê berpirsyariya jinan e; ew erkeke mirovî û civakî ya berfireh e. Civakeke ku rêzê li jinan digire, ew rêzê li xwe digire, ji ber ku jin bingeha malbatê ne û hevkarên avakirina pêşerojê ne. Em dikarin gavên rastîn ber bi cîhaneke dadperwertir û ewletir ve biavêjin. Her wiha berxwedana jinan a li Bakur û Rojhilatê Sûriyeyê bi saya berxwedana jinên YPJ'ê bi îfade kirin. "

	&nbsp;

	Di dawiya semînerê de beşdaran nirxandinên xwe yên li ser tundiya li dijî jinan û bandora wê li ser civak, malbat û jinan anîn ser ziman û diyar kir ku bi riya exlaq û rastiya jinan a di nava şoreşa Rojava de û hişyarkirina jinên li gundan û jinên ku hîna rastî tundiyê tên, bên hişyarkirin.

	&nbsp;