
Rejîma Îranê cezayê darvekirinê da Zehra Şehbaz

2025-10-26 13:21:42


	&nbsp;

	&nbsp;

	NAVENDA NÛÇEYAN - Şaxa 1’emîn a Dadgeha Şoreşê ya Reşdê ji ber sûcê ‘Bi komên li dijî rejîmê re hevkarî kiriye’ cezayê darvekirinê li girtiya siyasî Zehra Şehbaz Taberî birî.

	&nbsp;

	Endezyara Kehrebeyê û endama Odeya Endazyarên Îranê Zehra Şehbaz Taberî ya 67 salî ya ji bajarê Reşdê, ji aliyê serokê şaxa 1’emîn a Dadgeha Şoreşê ya Reşdê dozger Ahmed Dervîşguftar ve ji ber sûcên ‘Bi komên li dijî rejîmê re hevkarî kiriye’ tevî ku belgeyek şênber nîn e, mehkûmî darvekirinê hat kirin.

	&nbsp;

	Danişîna girtiya siyasî hefteya borî bi riya konferansa bi dîmen pêk hat û pêvajoya darizandinê kêmî 10 deqeyan domiya. Di danişînê de parêzerek bi zorê ji bo Zehra Şehbaz Taberî hat tayînkirin. Her wiha hat diyarkirin ku pêvajoya îtirazkirina biryarê 7 roj e.

	&nbsp;

	Zehra Şehbaz Taberî, di 28’ê Nîsana 2025’an de dema hêzên îstîxbaratê bi ser mala wê ya li Reşdê ve girtibûn de hat binçavkirin û sewqî girtîgeha Lakanê kiribûn. Di dema binçavkirinê de li malê lêgerîn hat kirin, dest danîn ser telefonên wê, kesek ê malbata wê û kompîterekê.&nbsp;

	&nbsp;

	Zehra Şehbaz Taberî berê jî ji ber parvekirinên xwe yên aştiyane li ser medyaya dîjîtal hatibû girtin, piştî sê mehan di girtîgehê de ma, bi kelebçeya elektronîk hatibû berdan. &nbsp;&nbsp;