
Ji bo Cansu Seferoglu şîn hat danîn 

2025-10-21 16:35:50


	&nbsp;

	AGIRÎ - Ji bo Cansu Seferoglu ya YJA Starê ku jiyana xwe ji dest da, li bajarê wê Bazîdê şîn hat danîn.&nbsp;

	&nbsp;

	HPG'ê duh ragihand ku Cansu Seferoglu (Rehşan Ararat), endama YJA Starê, di 20'ê Adara 2018'an de koça dawî kiriye. Piştî daxuyaniyê, malbata Cansu Seferoglu li gundê Çalixa yê navçeya Bazîd a Agiriyê şîn danî. Cendermeyan rê nedan ku malbat ji mala sersaxiyê derkeve. Piştre sersaxî li mala malbatê hatin qebûlkirin.

	&nbsp;

	MEBYA-DER; rêveberên Partiya Herêmên Demokratîk (DBP); Partiya Wekhevî û Demokrasiyê ya Gelan (DEM Partî); aktivîstên Tevgera Jinên Azad (TJA); endamên Meclîsa Şaredariya Giyadînê û hevşaredar û gelek kesên din beşdarî şînê bûn û sersaxî ji malbatê re xwestin. Koma li gund dirûşma "Şehîd Namirin" berz kir.

	&nbsp;

	Piştî kêliya bêdengiyê, Hevserokê DBP'ê yê Agiriyê Sebîh Kaya sersaxî ji malbatê re xwest.&nbsp;

	&nbsp;

	Şîn li mala malbatê ya li gundê Çalixa berdewam dike.

	&nbsp;

	&nbsp;

	&nbsp;