Em ê edaleta ji bo Rojîn Kabaîş mezin bikin 

2025-10-20 19:37:47


	 

	ŞIRNEX -  Înîsiyatîfa Xwendekarên Demokratîk a Şirnexê, ji bo ronîkirina lêpirsîna mirina bi guman a Rojîn Kabaiş meşiya. Di meşê de hat gotin: "Kujer kî ne û çima tên parastin?" Em bi biryar in ku bibin dengê Rojînê û têkoşîna edaletê berfireh bikin."

	 

	Înîsiyatîfa Xwendekarên Demokratîk a Şirnexê ji bo ronîkirina lêpirsîna mirina bi guman a Rojîn Kabaiş meşek li dar xist. Xwendekar li ber Fakulteya Endezyariyê ya li Kampusa Mehmet Emîn Acar a Zanîngeha Şirnexê kom bûn û bi pankarta "Bêdeng nemînin, nebin hevkar", di kampusê de meşiyan. Di meşê de gelek caran dirûşmeyên wekî "Jin jiyana azadî" û "Rojbîn Kabaiş serhildana me ye" hatin berzkirin.

	 

	‘Nimûneyên DNA yên kê ne?’

	 

	Piştî meşê, Elif Dagdeviren, li ser navê Înîsiyatîfa Xwendekarên Demokratîk a Şirnexê di civîneke çapemeniyê de ku li ber Fakulteya Tenduristiyê hate lidarxistin, axivî û pirsî ka nimûneyên DNA yên li ser cenazeyê Rojin Kabaiş hatine dîtin ên kê ne. Elif Dagdeviren got, "Kujer kî ne û çima tên parastin? Em bi biryar in ku bibin dengê Rojin û têkoşîna wê ya ji bo edaletê bilind bikin. Em ê bîranîna hevala xwe Rojin di têkoşîna xwe de zindî bihêlin."

	 

	Daxuyanî bi dirûşma "Jin jiyana azad" bi dawî bû.