
Li Kibrisê ji bo Abdullah Ocalan meş 

2024-11-16 20:02:41


	&nbsp;

	NAVENDA NÛÇEYAN - Kurdistanî û dostên wan li paytexta Qibrisê Lefkoşyayê ji bo azadiya Abdullah Ocalan meş lı dar xistin.

	&nbsp;

	Kurdistanî û dostên wan li paytexta Qibrisê Lefkoşyayê di qonaxa duyemîn a pêngava “Ji Abdullah Ocalan re azadî, ji pirsgirêka Kurd re çareseriya siyasî” de ji bo azadiya Abdullah Ocalan meşiyan.

	&nbsp;

	Girseya ku li pêşiya Wezareta Karên Hundir a li paytext Lefkoşyayê li hev civiya, dest bi meşê kir. Serokê Giştî yê Partiya Keskan a Qibrisê George Perdikes jî di nav de nûnerên partiyên siyasî yên Qibrisê, rêxistinên civaka sivîl, anarşîst û rêxistinên ciwanan ên li Qibrisê beşdarî meşê bûn.

	&nbsp;

	Di meşê de bi sedan belavok hatin belavkirin û meşvanan gelek caran dirûşmên “Bijî Serok Apo”, “Bê Serok Jiyan nabe”, “Silav silav ji Îmraliyê re hezar silav”, “Dîktator Erdogan”, “Faşîst Tirkiye” berz kirin.

	&nbsp;

	Çalakvanan li deriyê sînor ê di xaka Qibrisê de ku ji aliyê dewleta Tirk &nbsp;ve hatiye dagirkirin meş veguherandin mitîngê, li vir nûnerên Komîteya Dîplomasiyê ya Meclîsa Gel a Kurd, dosyaya têkildarî tecrîdê radestî Nûnertiya Neteweyên Yekbûyî kir.

	&nbsp;

	Di çalakiyê de metna Ingilizî ya ji aliyê Meclîsa Gel a Kurd ve hatibû amadekirin hate xwendin û piştî axaftina nûnerê PYD’ê yê Qibrisê Yasîn Terbuş çalakî bi dawî bû.

	&nbsp;