
Tayînkirina qeyûman dê li Amedê bi meşekê bê protestokirin 

2024-11-04 13:10:27


	&nbsp;

	&nbsp;

	AMED - TJA, DBP û DEM Partiyê ragihand ku dê li dijî tayînkirina qeyûm a li şaredariyên Êlih, Mêrdin û Xelfetiyê li Semta Ofîsê ya Amedê saet di 15.00’ê de meşê li dar bixin û banga tevlibûnê kirin.&nbsp;

	&nbsp;

	Wezareta Karên Hundir a dewleta tirk li Şaredariya Bajarê Mezin a Mêrdînê û şaredariyên Êlih û Xelfetî ya Rihayê qeyûm tayîn kir. Tayînkirina qeyûman dê li Amedê bi meşekê were protestokirin. Tevgera Jinên Azad (TJA), rêxistinên Partiya Herêmên Demokratîk (DBP) û Partiya Wekhevî û Demokrasiyê ya Gelan (DEM Partî) yên Amedê têkildarî meşê daxyanî dan.&nbsp;

	&nbsp;

	Hevserokê DEM Partiyê yê Amedê Abbas Şahîn di daxuyaniyê de destnîşan kir ku di salvegera darbeya siyasî ya 4’ê Mijdara 2016’an de dîsa derbe hatiye kirin û wiha pê de çû: “Em dibînin ku îktîdara siyasî ji bo domandina aqilê dewletê darbe kir. Em ji îktîdara siyasî re dibêjin ku pirsgirêka herî girîng a vî welatî aştiyeke birûmet e. Hem pêvajoyekê didin destpêkirin hem jî darbeya qeyûm dikin. Ev yek nîşan dide ku hûn jidil nînin. Em ê li dijî vê bisekinin û gelê me dê li dijî darbeya qeyûm îradeya xwe nîşan bide. Em ê li dijî vê darbeya siyasî ya faşîst, tevî gelê Amedê em ê li ji pêşiya AZC Plazayê ya li Ofîsê heta Qada Şêx Seîd bimeşin. Em dixwazin ku hemû sazî û gel tev li bibe. Ev gel dê bi tu awayî rê nede pergala qeyûm. Em ê îro saet di 15.00’ê de li pêşiya AZC ya Ofîsê kom bibin û ber bi Qada Şêx Seîd ve bimeşin. Em hemû gelê xwe vedixînin meşê.”&nbsp;

	&nbsp;

	Piştre jî Hevseroka DBP’a Amedê Sûltan Yaray axivî û got ku şaredarî aydê gel in. Sultan Yaray, got ku divê her kes li dijî faşîzma AKP-MHP’ê dengê xwe bilind bike û banga tevlibûna meşê kir.&nbsp;