
Cenazeyê Abdulkadîr Kuday anîn Mêrdînê

2024-10-03 10:58:47


	&nbsp;

	&nbsp;

	MÊRDÎN - Cenazeyê Abdulkadîr Kuday ku yek ji girtiyên nexweş bû û tevî rewşa giran jî nehat berdan û li girtîgehê jiyana xwe ji dest da, anîn bajarê wî Mêrdînê.&nbsp;

	&nbsp;

	Abdulkadîr Kuday ê li Girtîgeha Tîpa R a Metrîsê dihat ragirtin ku yek ji girtiyên nexweş bû û tevî rewşa xwe ya giran jî nehat tehliyekirin, duh danê sibehê de jiyana xwe ji dest da. Cenazeyê Kuday, ji hêla xizmên wî, rêxistinên girseyî yên demokratîk û nûnerên partiyên siyasî ve ji Saziya Tipa Edlî (ATK) hate girtin û li Balafirgeha Sabîha Gokçenê ya Stenbolê şandin Balafirgeha Mêrdînê.&nbsp;

	&nbsp;

	BI DIRÛŞMAN HATE PÊŞWAZÎKIRIN

	&nbsp;

	Cenazeyê Kuday li ji hêla girseyê ve li balafirgehê hate girtin û bi dirûşma “Şehîd namirin” birin mala wî ya li navçeya Qoserê. Cenazeyê Kuday li vir bi zemar, dirûşm û çepikan hate pêşwazîkirin. Piştre jî cenazeyê Kuday ji bo definkirinê birin gundê Tell Şîrez ê Qoserê.&nbsp;

	&nbsp;

	DÊ LI CEM KURÊ XWE BÊ DEFINKIRIN

	&nbsp;

	Li ser wesiyeta Kuday, cenazeyê wî dê li rex gorên kurê wî Seyîd Riza Kuday (Dijwar Baran) ê di sala 2015’an de li Kobanê di şerê li dijî DAIŞ’ê de jiyana xwe ji dest dabû û biraziyê wî Alîşer Kuday (Şiyar Mazlum) were definkirin.&nbsp;

	&nbsp;