
Di serdegirtina malan a Şirnex û Erziromê de 6 kes hatin binçavkirin 

2024-10-01 10:15:15


	&nbsp;

	&nbsp;

	ŞIRNEX/ERZIROM - Li Hezex û Erziromê di serdegirtinên malan de 6 kes hatin binçavkirin.&nbsp;

	&nbsp;

	Îro di saetên serê sibê de li navçeya Hezex a Şirnexê û Erziromê bi ser malan de hate girtin. Hevserokê DBP’ê yê Erziromê di nav de 6 kes hatin binçavkirin.&nbsp;

	&nbsp;

	Şirnex

	&nbsp;

	Di serdegirtinên malan ên li gundê Hespîst ê girêdayî navçeya Hezex a Şirnexê de 4 kes hatin binçavkirin. Hate diyarkirin ku piştî lêgerînên li malan hatin kirin Mûrat û Hasîbe Tekîn ên hevjînên hev û welatiyên bi navê Sadiye Tekîn û Mervan Tekîn ji aliyê leşkeran ve hatin binçavkirin.&nbsp;

	&nbsp;

	Kesên hatin binçavkirin birin Fermandariya Cendermeyan a Hezexê.&nbsp;

	&nbsp;

	Erzirom

	&nbsp;

	Di serdegirtinên malan ên li Erziromê de jî Hevserokê Partiya Herêmên Demokratîk (DBP) ê Erziromê Ramazan Karakaş û Hevserokê Partiya Demokratîk a Gelan (HDP) ê Qereyaziyê yê berê Çetîn Demîr hatin binçavkirin. Tê payîn ku Demîr û Karakaş ê di çarçoveya lêpirsîna bi fermana Serdozgeriya Komarê ya Agiriyê hatiye destpêkirin de hatin binçavkirin dê bibin Agiriyê.&nbsp;

	&nbsp;

	Têkildarî sedemê binçavkirinên hatin kirin agahî nehatin bidestxistin.&nbsp;