
Piştî Şîrîn Tekelî du sal  

2019-06-12 09:19:59


	&nbsp;

	Sîbel Ozalp

	&nbsp;

	NAVENDA NÛÇEYAN - Di mijara lêkolînên jinan û tevgera jinan ên li Tirkiyeyê de yek ji jinên pêşeng nivîskara femînîst û aktîvîst Şîrîn Tekelî ye. Şîrîn Tekelî du sale ji nav me koç kiriye. Şîrîn Tekelî ji bo jinên Tirkiyeyê pir zêde hêvî û îlham hişt û her wiha tevgera femînîst jî deyndarê Şîrîn Tekelî ye.

	&nbsp;

	Şîrîn a ku pêşenga tevgera jinan a pêla duyem a li Tirkiyeyê bû, di 1944’an de li Enqereyê hat cîhanê. Dê û bavê wê mamosteyên felsefeyê bûn. Şîrînê li Lîseya Keçan a Eneqereyê beşa fenê dixwend û bi awayekî cidî pirtûkên wêje û felseyê jî xwend. Şîrînê di 1961’ê de piştî lîseyê çû Parîsê. Doç Dr. Şîrîn Tekelî ku di mijara jinê û tevgera jinan a li Tirkiyeyê de lêkolîn dikir, di hezîrana 2017’an de di 73 saliya xwe de jiyana xwe ji dest da.&nbsp;

	&nbsp;

	Şîrînê li Parîsê piştî hiqûq û Fransî, li Swîsreyê li Zanîngeha Lozanê perwerdeya zanista siyasetê dît. Di navbera 1968-1981’ê de li Zanîngeha Stnbolê li Fakulteya Îktîsadê hîndekarî kir. Piştî 12’ê îlonê bi avabûna YOK’ê re ji zanîgehê îstîfa kir. Şîrînê di 1980’ê de cihê jinan a di qada cemawerî ya li Tirkiyeyê lêkolîn kir û teza doçentiyê ya bi navê ‘Jin û Jiyana Civakî-Siyasî’ amade kir. Piştre ji weşanên Bîrîk wek pirtûk hat çapkirin. Di 1984’an de ‘Kampanya daxwaznameyan a guherîna Qanûna Medenî’, di 1987’an de ‘Meşa protestoya li dijî lêdanê’ û ‘Şahiya Kariyerê’ û gelek bernameyên din pêşengiya wê kir.

	&nbsp;

	Şîrînê xebatên avakirina Weqfa Navenda Zanîn û Pirtûkxaneya Berhemên Jinan da destpêkirin. Di 1997’an de di avakirina Komeleya Piştgiriya Namzetên Jin (KADER), Mor Çati, Koperatîfa Anakultur û Wînpeace- Hewldana aştiyê ya Jinên Yewnan-Trik de cih girt. Di 1996’an de Xelata Palmiya Akademîk a Wezareta Çanda Fransayê ji bo wê hat dayîn. Di 73 salan de 25 pirtûk nivîsî.

	&nbsp;

	Şîrînê diyar dikir ku yek gotinek Fransî nizanîbû, çû Parîsê û li wir hewl da Fransî fêr bibe û piştre di 1962’an de dest bi xwendina hiqûqê kiriye.

	&nbsp;

	Piştî Parîsê berê xwe da Lozanê

	&nbsp;

	Piştî Parîsê berê xwe dide bajarê Lozan a Swîsreyê û li wir Zanistên Siyasî û Civakî ya zanîngeha Lozanê dixwîne û piştî perwerdeya xwe tema dike vedigere Stenbolê û di beşa zanistên siyaseta fakulteya îktîsadî ya zanîngeha Stenbolê de wek asîstan dixebite û di heman demê bi Ahmet Tekelî re dizewice. Berhema xwe ya ewil di 1973’an de teza xwe ya doktorayê temam kir. Di 1978’an de jî teza doçentiyê ya ‘tevlîbûna jinan a siyasetê’ amade kir.

	&nbsp;

	Şîrîn di damezrandina Yekitiya Asîstanên Dibistana Bilind, Akademî û Zanîngehan (TUMAS) cih girt û di van civînan de ku hîna femînîzm nedihat telafuzkirin, got çima dengê jinan kêm derdikeve û di 1979’an de di mîsyonek jinan de cih girt û di mijara tevlîbûna jinan a siyasetê de xebat meşand.

	&nbsp;

	Piştgiriyek mezin da tevgera femînîst a Tirkiyeyê

	&nbsp;

	Şîrînê her wiha li dijî YOK’ê ji peywira xwe ya zanîngehê jî îstîfa kir. Şîrînê ji bo femînîzm bê fêmkirin ewil berhemên femînîst li Tirkî wergerand û her çiqas hemû berhemên xwe neweşandibe jî li Tirkiyeyê piştgiriyên girîng daye tevgera femînîst.&nbsp;

	&nbsp;

	Şîrîn Tekelî li pey xwe gelek xebatên girîng ên ku rê dide ber jinan, hişt. Beriya bimre got bila bedena wê ji bo lêkolînên zanîstî bê bikaranîn û bexşê Fakulteya Tipa Cerrahpaşayê kir. Ji ber vê merasîma cenazeya wê pêk nehat. Piştî Şîrînê parlamentera HDP’ê ya Stenbolê Fîlîz Kerestecîoglu wiha got: “Em ê zanyarek jin teslîmî zanyarek jin bikin; Em ê teslîmî mamoste Şebnem (Şebnem Korur Fîncanci) bikin.”&nbsp;

	&nbsp;

	Navenda Xebatên Jinan û Zayenda Civakî ya Zanîngeha Sabanci (Su Gender) piştî mirina Şîrînê her sal ‘Xelatên Lêkolînê ya Şîrîn Tekelî’ dide.