Berxwedêrên Flormarê: Cîhanê dengê me bihîst dewlet nabihîse 

2018-07-16 11:51:38


	 

	STENBOL - Karkerên Flormarê ji 15'ê Gulanê heta niha ji bo mafên xwe yên sendikayê berxwe didin. Kedkarên Flormarê banga boykotê li Yves Rocher û Flormarê kir û gotin:"Me serî netewand, em serî natewînin. Em dizanin ku em ê bi ser bikevin."

	 

	Karkerên ku li Kozmetîka Flaromarê ya li Herêma Sanayî Organizeya Gebzeyê, dixebitîn û ji ber ku endamên Sendikaya Petrol-Îş'ê bûn ji kar hatin avêtin ji 15'ê Gulanê heta niha berxwe didin. Berxwedana Flormarê bi çalakiya 5 karkeran dest pê kir û mezin bû. Karkerên Flormarê ji gelek aliyan piştgiriyê digirin. Karkeran gotin ku li pişta wan Sendikaya Petrol-Îş'ê û gel heye û ew ê berxwedana xwe bidomînin. 

	 

	'Sendîkayîbûn maf e'

	 

	Rûkîye Baş anî ziman ku dewlet alîgirê patrona ye û got ji ber ku dewlet ji aliyê patronan ve tê xwedîkirin loma dewlet mafê karkeran naparêze. Rûkiye anî ziman ku ji aliyan piştgiriya wan tê kirn û heta ku ew bi ser bikevin ew ê berxwe bidin. 

	 

	'Cîhanê dengê bihîst lê dewletê dengê me nebihîst'

	 

	Sultan Kiliç a ku 9 salan li Flormarê xebitî anî ziman ku dema ew dixebitî ji aliyê şefê hilberînê ve hatiye tehdîtkirin û ew bêyî tazmînatê bistîne ji kar hatiye avêtin. 

	 

	Sultanê wiha dewam kir:"Hemû kesî dengê me bihîst heta cîhanê jî dengê me bihîst lê dewlet dengê me nabihîse. Lê em ê serî netewînin. Em dizanin ku em ê bi ser bikevin."