Jin xwedî ked û hilberîna destan e!

2017-12-08 09:06:10


	 

	Lîlav Elî-Cudî Zêno

	 

	EFRÎN - Jina bi navê Eytan Abêd a ji gundê Maratê bi çêkirina cilên rêsî debara jiyana xwe  dike.

	 

	Di dîroka mirovahiyê de heta a niha jin her tim bûye xwedî ked û hilberîna destan lê belê zihnîyeta baviksalerî di hemû cih û waran de keda jinê winda kiriye 

	 

	Jina bi navê Eytan Abêde ku ji gundê Maratê yê herêma Efrînê ye, dest ji huner û afîrîneriya xwe bernedaye û di temenê xwe yê 45 salî karê çêkirina cilên rêsî dike.

	 

	Eytanê ji zarokatiya xwe de fêrî çêkirina cilên rêsî bûye, bi çêkirina cilên rêsî di dikaneke biçûk de debara jiyan a malbata xwe dike.  

	 

	'Ez ji bo pêşeroja zarokên xwe têdikoşim'  

	 

	Eytanê diyar kir ku ew ji bo pêşeroja zarokê xwe têdikoşe û wiha  got:" Ev bû 20 sal in ez karê çêkirina cilên rêsî dikim. Her wiha bû 12 sal in ez li gundê Maratê karê xwe dewam dikim. Ez bi vî karî debara xwe û zarokên xwe dikim."

	 

	'Jin êdî ji bo mafên xwe bêtir têdikoşin'

	 

	Eytanê di dawiya axaftina xwe de wiha got:" Tenê karê mitbexê ne, her kar ji destên jinê tê. Her tim jin bi karê mal û xwedîkirina zarokan dihat naskirin lê belê piştî şoreşa rojava û belavbûna fikir û felsefeya Rêber Apo êdî jin ji koletî û zordariyê derket û mafên xwe hêdî hêdî qezenc dike. Jin êdî ji bo mafên xwe bêtir têdikoşin."