Li dijî penceşêra memikan ‘bi bebekên pelûş’ têdikoşe 

2017-11-16 09:34:21


	 

	Fîlîz Zeyrek

	 

	EDENE - Suzan Gok a ku nexweşa Pençeşêra memikan e, ev saleke pêlîstokên bebekên pelûş bi armanca terapiyê çêdike û difroşe. Suzanê diyar kir ku ev kar wê kêfxweş dike û ev rêbaz pêşniyarî hemû jinan dike.

	 

	Li Seyhan a Edeneyê şaredariya CHP’ê der barê tezgahên li Kolana Çandê ya Ahmet Kalfa de biryara hilweşînê girtibû. Beşek tezgahan hat hilweşandin û hinek jî hîna karê xwe didomînin. Yek ji van tezgehan a Suzan Gok ya 55 saliye.  Suzan ku bebekên pêlîstok çêdike û difroşe, li aliyê din jî li dijî pençeşêra memikan têdikoşe.

	 

	‘Wek terapiyê ye’

	 

	Suzanê destnîşan kir ku beriya vî karî tenduristiya wê gelek xerab bûye û bi pêşniyara keça xwe dest bi çêkirina van bebekên pêlîstok kiriye. Suzanê daxuyakirin ku wê bi piştgiriya keça xwe dest bi vî karî kiriye û 7 sale li dijî vê nexweşiyê têdikoşe û çêkirina van bebekan ji bo wê başe. 

	 

	Suzanê wih agot: “Çêkirina van pêlîstokan wek terapiyê ye. Jinên pirsgirêkên wan yên tenduristiyê hene bila hilberînên destan çêbikin. Ji runiştinê baştire.  Mirov hem pereyê xwe qezenc dike û hem jî hildiberînin.”