ÎSÎG: Di 2023’yan de 147 karkerên jin jiyana xwe ji dest dan 

2024-01-16 13:57:32


	 

	STENBOL - Meclisa ÎSÎG’ê rapora xwe ya sala 2023’yan aşkera kir û got di salekê de hezar û 932 karkeran jiyana xwe ji dest dan. Ji karkerên jiyana xwe ji dest dayîn 147 jê jin, 54 jê zarok û 106 jî penaber bûn. 

	 

	Meclisa Tenduristiya Karkeran û Ewlehiya Kar (ÎSÎG) Rapora Cînayetên Kar a Sala 2023’yan parve kir. Li gorî raporê; di salekê de hezar û 932 karkeran di encama cînayetên kar de jiyana xwe ji dest dan. Cihê herî zêde karkeran jiyana xwe lê ji dest dane jî Stenbol e. Li gorî vê yek; li Stenbolê 274 karkeran, li Mereşê 86 karkeran, li Hatayê 64 karkeran, li Antalyayê 59 û li Semsûr û Bursayê jî 58 karkeran di encama cînayetên kar de jiyana xwe ji dest dan. 

	 

	Ji karkerên jiyana xwe ji dest dayîn 147 jê jin, 54 jê zarok û 106 jî penaber bûn.