Fêkî çima diweşin û tedbîrên divê bên girtin 

2019-06-28 09:23:17


	 

	MÊRSÎN - Dr. Huriye Kara ya xebatên ekosîstemê dimeşîne balkişand ser gelek sedemên weşîna fêkiyên biçûk û diyar kir ku ji bo pêşîgirtinê jî divê rêbazên rast bên tercîhkirin.

	 

	Li Mersîn ku depoya fêkiyan a Tirkiyeyê ye, hilberîner bi fikar in. Hilberîner li aliyekî ji ber fêkiyên ku ji baxçe bi 45 kuruşan difiroşin û li bajarên mezin di navbera 3-5 TL de tên firotin bi gazinc in û li aliyê din jî ji ber guherîna hewayî berhem li ser baskê xwe dirize, bê çare mane. Dr. Huriye Kara ya xebata ekosîstemê dimeşîne, sedema weşîna fêkiyên biçûk û tedbîrên divê bên girtin de agahî parve kir.

	 

	‘Jiyana nebatan dişibe ya mirovan’

	 

	Huriyeyê destnîşan kir ku weşîna fêkiyên biçûk bi hemû daran re tê dîtin û ev rewş bi taybet di meha Adar, Nîsan, Gulan û Hezîranê de tê dîtin. Huriyeyê ev tişt bi lêv kir: "Lî gorî demsal û herêmê darên fêkiyan hewce bi xwedîkirin û avê dibîne. Em dikarin vê rewşê bişînin bebeka nû tê dinê. Yanî demeke xesas a nebat e. Di vê demê de xerabûna hevsengiya avê, xerabûna xwedîbûnê û şaşiyên parastina nebat dibe sedema weşîna fêkiyan. Jiyan nebatan jî dişibe ya mirovan." 

	 

	Huriyeyê sedema weşîna fêkiyan wiha rêz kir:

	 

	*Di dema çêbûna nebatan de fêkî dikare zû biweşe.

	 

	*Ji ber bêpergaliya avê dikare biweşe, nikare bê av bimîne.

	 

	*Bêpergaliya di xwedîkirina nebatan de dibe sedema weşîna fêkiyên biçûk. Ji ber nebat wê demê ji axê têr xwedî nabe.

	 

	*Girêdayî şertên hewayê jî dibe. Li Mêrsînê bi taybet piştî baranan germek dest pê dike. Ev jî hevsengiyê xera dike.

	 

	*Dibe ku hemû şert bên cih jî, lê dîsa fêkî dikarin dîsa biweşin.

	 

	Huriyeyê di dawiya axaftina xwe de got divê li gorî naskirin û xesasiyeta nebatan rêbaz bên tercîhkirin.